Aýa raıy
Astana -1 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

Elordadaǵy jantúrshigerlik kólik apaty: Zardap shekkender sany 36-ǵa jetti

2019 jyldyń 26 naýryz 2019 16:40

NUR-SULTAN. QazAqparat - Elordadaǵy jantúrshigerlik jol apatynan zardap shekkenderge qajetti dári-dármek pen quıylatyn qan jetkilikti, dep habarlaıdy QazAqparat tilshisi.

Bul týraly Nur-Sultan qalasynyń Qoǵamdyq densaýlyq saqtaý basqarmasynyń basshysy Kamaljan Nadyrov aıtty.

Onyń aıtýynsha, oqıǵadan zardap shekkender sany 36-ǵa jetti. Olarǵa Tegin medıtsınalyq kómektiń kepildendirilgen kólemi aıasynda, ıaǵnı tegin medıtsınalyq kómek kórsetilip jatyr.

«Jol apatynan keıin 36 adam medıtsınalyq kómekke júgindi. Jedel medıtsınalyq járdem brıgadalary 36 adamdy qalalyq statsıonarǵa jetkizdi. Olardyń 23-i kópbeıindi qalalyq aýrýhanaǵa, 2 naýqas - №1 qalalyq aýrýhanaǵa jáne bireýi - ortalyq jol aýrýhanasyna jetkizilgen», - dedi Kamaljan Nadyrov qala ákimdiginde ótken baspasóz máslıhatynda.

8 adam jeńil jaraqatpen dárigerge kórindi. Zardap shekken 36 adamnyń arasynda balalar joq.

«Ázirge 1 naýqastyń jaǵdaıy óte aýyr, alty naýqastyń jaǵdaıy - qalypty aýyr dep baǵalandy. Segiz patsıenttiń jaǵdaıy ortasha», - dedi basqarma basshysy.

Sonymen birge, K. Nadyrov áleýmettik jelilerde zardap shekkenderge qan jetispeı jatyr degen aqparatty teriske shyǵardy.

«Astana statsıonarynda naýqastarǵa qajetti dári-dármek pen quıylatyn qan mólsheri jetkilikti, barlyq medıtsınalyq kómek tolyq kólemde kórsetilip jatyr. Barlyq qyzmet Tegin medıtsınalyq kómektiń kepildendirilgen kólemi aıasynda, ıaǵnı tegin kórsetiledi», - dedi ol.

Eske sala ketsek, 26 naýryz kúni Uly Dala men Qabanbaı batyr dańǵyly qıylysynda úsh avtobýstyń jáne jeńil kólikterdiń qaqtyǵysýymen jol-kólik oqıǵasy oryn aldy. Qala mańy baǵdaryndaǵy № 301 avtobýs № 12 baǵdardaǵy jolaýshylar avtobýsymen soqtyǵysty. Osynyń ekpinimen olar № 53 avtobýsqa jáne jedel járdem kóligine baryp soǵyldy.

Astana LRT ókiliniń habarlaýynsha, 301 avtobýs júrgizýshisi Abaı Ospanov tańǵy 6.30-da reıske shyǵarda medıtsınalyq tekserýden ótken jáne densaýlyǵynan esh kinárat baıqalmaǵan.

Tıisti medıtsınalyq saraptamadan keıin jol apatynan zardap shekkenderge ótemaqy tólenedi.

Avtor Aıjan Serikjanqyzy
Basty sózder: Qoǵam, Nur-Sultan, Kólik,
Joǵary qaraı