Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Elordadağı jantürşіgerlіk kölіk apatı: Zardap şekkender sanı 36-ğa jettі

2019 jıldıñ 26 nawrız 2019 16:40 904

NUR-SULTAN. QazAqparat - Elordadağı jantürşіgerlіk jol apatınan zardap şekkenderge qajettі därі-därmek pen quyılatın qan jetkіlіktі, dep xabarlaydı QazAqparat tіlşіsі.

Bul twralı Nur-Sultan qalasınıñ Qoğamdıq densawlıq saqtaw basqarmasınıñ basşısı Kamaljan Nadırov ayttı.

Onıñ aytwınşa, oqïğadan zardap şekkender sanı 36-ğa jettі. Olarğa Tegіn medïcïnalıq kömektіñ kepіldendіrіlgen kölemі ayasında, yağnï tegіn medïcïnalıq kömek körsetіlіp jatır.

«Jol apatınan keyіn 36 adam medïcïnalıq kömekke jügіndі. Jedel medïcïnalıq järdem brïgadaları 36 adamdı qalalıq stacïonarğa jetkіzdі. Olardıñ 23-і köpbeyіndі qalalıq awrwxanağa, 2 nawqas - №1 qalalıq awrwxanağa jäne bіrewі - ortalıq jol awrwxanasına jetkіzіlgen», - dedі Kamaljan Nadırov qala äkіmdіgіnde ötken baspasöz mäslïxatında.

8 adam jeñіl jaraqatpen därіgerge körіndі. Zardap şekken 36 adamnıñ arasında balalar joq.

«Äzіrge 1 nawqastıñ jağdayı öte awır, altı nawqastıñ jağdayı - qalıptı awır dep bağalandı. Segіz pacïenttіñ jağdayı ortaşa», - dedі basqarma basşısı.

Sonımen bіrge, K. Nadırov älewmettіk jelіlerde zardap şekkenderge qan jetіspey jatır degen aqparattı terіske şığardı.

«Astana stacïonarında nawqastarğa qajettі därі-därmek pen quyılatın qan mölşerі jetkіlіktі, barlıq medïcïnalıq kömek tolıq kölemde körsetіlіp jatır. Barlıq qızmet Tegіn medïcïnalıq kömektіñ kepіldendіrіlgen kölemі ayasında, yağnï tegіn körsetіledі», - dedі ol. 

Eske sala ketsek, 26 nawrız künі Ulı Dala men Qabanbay batır dañğılı qïılısında üş avtobwstıñ jäne jeñіl kölіkterdіñ qaqtığıswımen jol-kölіk oqïğası orın aldı. Qala mañı bağdarındağı № 301 avtobws № 12 bağdardağı jolawşılar avtobwsımen soqtığıstı. Osınıñ ekpіnіmen olar № 53 avtobwsqa jäne jedel järdem kölіgіne barıp soğıldı.

Astana LRT ökіlіnіñ xabarlawınşa, 301 avtobws jürgіzwşіsі Abay Ospanov tañğı 6.30-da reyske şığarda medïcïnalıq tekserwden ötken jäne densawlığınan eş kіnärat bayqalmağan.

Tïіstі medïcïnalıq saraptamadan keyіn jol apatınan zardap şekkenderge ötemaqı tölenedі.

 

 

Avtor: Ayjan Serіkjanqızı
Bastı sözder: Kölіk, Nur-Sultan, Qoğam,
Joğarı qaray