Aýa raıy
Astana -7 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Elordadaǵy jantúrshigerlik kólik apaty: Zardap shekkender sany 27-ge jetti

2019 jyldyń 26 naýryz 2019 12:03

NUR-SULTAN. QazAqparat - Nur-Sultan qalasy ákimdigi elordadaǵy jantúrshigerlik kólik apatynan qansha adam zardap shekkenin málim etti, dep habarlaıdy QazAqparat tilshisi.

«Sońǵy málimetter boıynsha 27 adam zardap shekti. Apat saldarynan eki adam kóz jumdy, ıaǵnı 53 jastaǵy avtobýs júrgizýshisi men 26 jastaǵy avtobýs jolaýshysy. 25 adam kópbeıindi № 2 aýrýhanaǵa jetkizildi. Sonyń arasynda tórteýiniń jaǵdaıy aýyr. 3 adamǵa operatsııa jasalýda, taǵy úsheýi qarqyndy terapııa bóliminde», - dedi qala ákimdiginiń baspasóz hatshysy Elvıra Júrgenbaeva.

№1 qalalyq aýrýhanaǵa zardap shekken 1 adam jetkizildi (jedel járdem feldsheri). Ol neırohırýrgııa bólimine jatqyzyldy.

Sonymen qatar, Ortalyq jol aýrýhanasyna tizesin zaqymdaǵan bir adam jetkizildi (jedel járdem feldsheri).

Jalpy, oqıǵa ornyna jedel járdemniń 22 brıgadasy men Apattar medıtsınasy ortalyǵynyń 1 brıgadasy jumyldyryldy.

Budan buryn habarlanǵandaı, elordada avtobýstar apatynan eki adam kóz jumdy.

«Astana LRT» málimeti boıynsha qaza bolǵandardyń biri - ol birinshi bolyp soqtyǵysqan avtobýs júrgizýshisi.

26 naýryz kúni Uly Dala men Qabanbaı batyr dańǵyly qıylysynda úsh avtobýstyń jáne jeńil kólikterdiń qaqtyǵysýymen jol-kólik oqıǵasy oryn aldy. Qala mańy baǵdaryndaǵy № 301 avtobýs № 12 baǵdardaǵy jolaýshylar avtobýsymen soqtyǵysty. Osynyń ekpinimen olar № 53 avtobýsqa jáne jedel járdem kóligine baryp soǵyldy.

Avtor Rýslan Ǵabbasov
Basty sózder: Oqıǵa, Kólik, Nur-Sultan,
Joǵary qaraı