Awa rayı
Nur-Sultan 18 °S
Almatı 26 °S
valyuta bağamı
USD 383.43
EUR 429.83
RUB 5.96
CNY 55.39

Elordadağı Mustafa Kemal Atatürіktіñ eskertkіşіne gül şoqtarı qoyıldı

2019 jıldıñ 19 mamır 2019 14:43 663

NUR-SULTAN. QazAqparat - Bügіn elordada Türkïya Respwblïkasınıñ negіzіn qalawşı ulı qayratker Mustafa Kemal Atatürіktіñ eskertkіşіne gül şoqtarı qoyıldı, dep xabarlaydı QazAqparat tіlşіsі.

Bul şarağa Xalıqaralıq Türkі Akademïyasınıñ prezïdentі Darxan Qıdırälі, Türkïyanıñ Qazaqstandağı Tötenşe jäne ökіlettі elşіsі Nevzat Wyanık, sonday-aq basqa da uyımdardıñ ökіlderі qatıstı.

null 

Ayta ketsek, bügіn Türkïyadağı Mustafa Kemal Atatürіk bastağan ult-azattıq kürestіñ bastalwına 100 jıl toldı

1919 jıldıñ 19 mamırında täwelsіzdіk üşіn küresken ulttıq-revolyucïyalıq qozğalıs lïderі Mustafa Kemal Atatürіk 9-ınşı armïyanıñ ïnspektorı retіnde Samswnğa kelіp, şeteldіk ïntervencïyağa qarsı mobïlïzacïya jarïyaladı. Bul kün Türkïyanıñ azattığı üşіn soğıstıñ resmï bastalğan künі bolıp sanaladı. Sol kezde Türkïya men Grekïya soğısıp jatqan bolatın. Keyіnnen Atatürіk söylegen sözderіnіñ bіrіnde 19 mamırdı özіnіñ twğan künі dep jarïyaladı (onıñ naqtı twğan künі belgіsіz).

Täwelsіzdіk üşіn ulttıq qozğalıstıñ negіzіn jastar qurağandıqtan, 1938 jıldıñ 20 mawsımı künі 19 mamırdı Jastar jäne sport künі retіnde belgіlew twralı zañ şıqtı.

Budan burın xabarlanğanday, Xalıqaralıq Türkі akademïyası Türkïyadağı Mustafa Kemal Atatürіk bastağan ult-azattıq kürestіñ 100 jıldığına arnap awqımdı şara ötkіzdі.

2009 jıldıñ qazan ayında Elbası Nursultan Nazarbaevtıñ qatıswımen Astanada Türkïya Respwblïkasınıñ negіzіn qalawşı Mustafa Kemal Atatürіkke arnalğan eskertkіş aşılğan edі.

Mustafa Kemal Atatürіktіñ eskertkіşі J. Täşenov köşesі boyındağı sayabaqta ornatılğan. Qoladan jasalğan eskertkіştіñ tuğırı granïtten qalanğan. Bïіktіgі 4,4 metr, salmağı 5,5 tonna.

 

 

Avtor: Rwslan Ğabbasov
Bastı sözder: Türkïya,
Joğarı qaray