Aýa raıy
Astana 8 °S
Almaty 0 °S
valıýta baǵamy
USD 389.62
EUR 429.98
RUB 6.06
CNY 55.08

Elordadaǵy avtobýs apaty: «Astana LRT» zardap shekkenderdi izdestirýde

2019 jyldyń 25 sáýir 2019 14:07

NUR-SULTAN. QazAqparat - «Astana LRT» JShS 26 naýryz kúni jolaýshylar avtobýstary men jeńil kólikterdiń soqtyǵysýynan zardap shekkenderge saqtandyrýdy qalaı tólenetinin túsindirdi, dep habarlaıdy QazAqparat tilshisi.

Kompanııanyń baspasóz hatshysy Naýat Azanbaeva habarlaǵandaı, «Astana LRT» JShS men «№1 avtobýs parki» AQ ókilderi zardap shekkenderge aýrýhanaǵa baryp, tólemder boıynsha qajetti aqparat bergen. Degenmen, ótemaqynyń berilý tártibin áli de bilmeıtin azamattar bar.

«Buǵan deıin №1 avtobýs parki zardap shekkenderge ótemaqy tóleıtin saqtandyrý kompanııasymen shart jasasty. Alaıda, tólemder tek sot sheshiminen keıin beriledi. Qazirgi ýaqytta tergeý amaldary júrgizilýde. Sot sheshim shyǵarǵan soń zardap shekkenderge ótemaqy tólenedi», - dep habarlady Naýat Azanbaeva.

Qazir zardap shekkender nemese olardyń ókilderi kelesi oryndarǵa habarlasa alady:

1. Eger siz №53 jáne 12-inshi avtobýstardyń jolaýshysy nemese jol kólik-oqıǵasyna túsken jeńil avtokóliktiń ıesi nemese jolaýshysy bolsańyz, onda Saraıshyq kóshesi, 5 (JK Lazýrnyı kvartal) mekenjaıy boıynsha ornalasqan «Nomad Insurance» saqtandyrý kompanııasyna habarlasýyńyz qajet.

2. Eger siz № 301 avtobýstyń jolaýshysy bolsańyz, onda №1 Avtobýs parkine (mekenjaıy: Pýshkın kóshesi, 37/2) habarlasý kerek. Bul rette ótinish bildirýshi kelesi qujattardy usynýy tıis:

1. Jeke kýálik;

2. Zardap shegýshiniń ókili júgingen jaǵdaıda notarıaldy kýálandyrylǵan senimhat;

3. Bılet nemese kólik kartasynyń nómiri boıynsha saparlardy (detalızatsııa) naqtylaıtyn málimet. Ony «Astana LRT» JShS-dan alýǵa bolady.

«Atalǵan meken jaılarda zardap shekkender barlyq suraqtar boıynsha keńes ala alady», - dep habarlady kompanııadan.

Aıta keteıik, 26 naýryzda elordada úlken jol-kólik apaty boldy. Qala mańyna qatynaıtyn 301-shi baǵdardyń ekspress-avtobýsy qatty jyldamdyqpen baǵdarshamda turǵan 12-inshi avtobýsqa soǵyldy. Óz kezeginde 12-avtobýs ekpinmen jedel medıtsınalyq járdem kóligi men taǵy bir avtobýsqa soǵyldy.

Saldarynan 301-shi baǵdardyń júrgizýshisi jáne aldyńǵy orynda otyrǵan bir jolaýshy kóz jumdy. 36 adam zardap shekti.

«Astana LRT» basshysy Bekmyrza Igenberdınov buǵan deıin zardap shekkenderge ótemaqy tólenetinin málim etken bolatyn.

Avtor Aıan Bekenuly
Basty sózder: Qoǵam, Nur-Sultan, Oqıǵa,
Joǵary qaraı