Aýa raıy
Astana 9 °S
Almaty 3 °S
valıýta baǵamy
USD 389.59
EUR 429.06
RUB 6.05
CNY 55.07

Elordada júk kóligi men shaǵyn avtobýs soqtyǵysty: 11 adam zardap shekti

2019 jyldyń 19 mamyr 2019 22:22

NUR-SULTAN. QazAqparat - Elordada jol-kólik apatynan 11 adam jaraqat aldy. Bul týraly Nur-Sultan qalalyq Polıtsııa departamentiniń baspasóz hatshysy Sofııa Qylyshbekova aıtty, dep habarlaıdy QazAqparat tilshisi.

«19 mamyr kúni saǵat 16.05 shamasynda Tilendıev dańǵylynyń boıynda júk kóligi shaǵyn avtobýspen soǵysty. Jol apaty saldarynan zardap shekkender bar. Medıtsınalyq mekemelerge 11 adam jetkizilse, qazirgi ýaqytta onyń ekeýi aýrýhanaǵa jatqyzyldy», - dedi ol.

Onyń aıtýynsha, jol apaty faktisi boıynsha sotqa deıingi tergeý amaldary júrgizilip jatyr. Qajetti saraptamalar taǵaıyndalǵan.

«Jol apatynyń mán jaıy anyqtalyp jatyr», - dedi Sofıa Qylyshbekova.

Aıta keteıik, búgin elordada taǵy bir jol-kólik apaty boldy. «19 mamyr kúni saǵat 12:05-te Abylaıhan dańǵyly boıynda «Nissan XTrail» markaly kóligi «Lifan H50» avtomashınasyna soqtyǵysty. Qatty soqqy saldarynan «Lifan H50» kóligi joldan ótip bara jatqan adamdardy basyp ótken. Oqıǵa ornynda bir adam kóz jumyp, taǵy 4 adam dene jaraqattaryn aldy», - dedi qalalyq Polıtsııa departamentinen. Sotqa deıingi tergeý bastaldy, tıisti saraptamalar taǵaıyndaldy.

Avtor Marlan Jıembaı
Basty sózder: Oqıǵa, Nur-Sultan,
Joǵary qaraı