Aýa raıy
Astana 13 °S
Almaty 23 °S
valıýta baǵamy
USD 389.52
EUR 429.21
RUB 6.07
CNY 54.94

Elordada jastardy kásipkerlikke oqytý jónindegi forým ashyldy

2019 jyldyń 23 mamyr 2019 11:43

NUR-SULTAN. QazAqparat - Elordada «Innovatsııalyq ekonomıka úshin kásipkerlik bilim» atty ІІІ Halyqaralyq forým óz jumysyn bastady, dep habarlaıdy QazAqparat tilshisi.

«Búginde Qazaqstannyń Úshinshi jańǵyrýy júzege asyrylýda. Onyń maqsaty - shıkizattyq táýeldilikten shyǵyp, ınnovatsııalyq ekonomıkany qurý. Ol úshin qarqyndy naryqtyq ekonomıkanyń negizi retinde kásipkerlik sektordy damytý kerek», - dep toqtaldy QR Premer-Mınıstriniń orynbasary Gúlshara Ábdiqalyqova forýmnyń ashylýy rásiminde.

Osy oraıda ol atalǵan maqsatqa jetýde joǵary oqý oryndarynyń mańyzdy rólin atap ótti.

«Kásipkerlik bilim taqyryby eksklıýzıvtik ózektilikke ıe bolýda. Qazaqstan aldynda 2050 jylǵa qaraı ІJÓ-de shaǵyn jáne orta bıznes úlesin 26-dan 50 paıyzǵa deıin arttyrý mindeti tur. Osy josparǵa qol jetkizýde JOO-lar róli arta túsedi. Búginde joǵary oqý oryndary bilim ortalyǵy nemese zertteý alańy ǵana emes, sonymen qatar óńirlik damýdyń draıveri jáne ekonomıkalyq qyzmet úshin tuǵyrnama bolyp sanalady», - dedi Úkimet basshysynyń orynbasary.




null

Bul turǵyda ol elimizde kásipkerlik úshin qajetti jaǵdaı jasalǵanyn, bıznes-ınkýbatorlar damyp jatqanyn, sondaı-aq JOO-larda sapaly startaptardyń artýyna múmkindik bar ekenin atap ótti.

Forýmnyń maqsaty - kásipkerlik bilim berý salasynda oqytý men tájirıbe almasý úshin ashyq saraptamalyq pikirtalasqa aýdıtorııany tartý. Onda mamandar osy sektordaǵy bilim berý baǵdarlamalarynyń úzdik tájirıbeleri men trendteri týraly áńgimeleıdi.

Shara barasynda belgili halyqaralyq jáne qazaqstandyq sarapshylardyń, kásipkerlik ári akademııalyq qaýymdastyqtardyń, memlekettik basqarý organdarynyń, sondaı-aq ÚEU ókilderiniń qatysýymen paneldik sessııalar ótip jatyr.

Osy oraıda forýmda «Innovatsııalyq ekonomıka úshin kásipkerlik bilim», «Memleket, bilim, bıznes jáne azamattyq qoǵam seriktestigi», «Ýnıversıtettiń damý strategııasy: fandraızıng, endaýment-qorlar jáne túlekterdi tartý», «Bilim berý mekemelerinde basqarý komandalaryn damytý» taqyryptary talqylanýda.

Joǵary qaraı