Aýa raıy
Astana -8 °S
Almaty -2 °S
valıýta baǵamy
USD 388.81
EUR 429.01
RUB 6.08
CNY 55.49

Elordada plastıkalyq bótelkeler zaýyty órtenip, bir adam aýrýhanaǵa tústi

2019 jyldyń 12 qazan 2019 09:17

NUR-SULTAN. QazAqparat – Elordada plastıkalyq buıymdar zaýytynda órt shyǵyp, 27 jastaǵy er adam zardap shekti. Bul týraly QR Іshki ister mınıstrligi Tótenshe jaǵdaılar komıtetiniń resmı ókili Nursultan Nurahmetov málim etti, dep habarlaıdy QazAqparat.

«12 qazan kúni saǵat 00.08-de Nur-Sultan qalasynyń «101» pýltine Saryarqa aýdany, Kóktal kóshesindegi plastık bótelkelerdi shyǵaratyn «PET» JShS zaýytynda órt shyqqany týraly habar tústi. Alǵashqy órt sóndirýshiler jetken kezde plastık buıymdar janyp jatqany anyqtaldy. Jalynnyń taralýy saǵat 01.06-da toqtatylyp, 01.13-te tolyǵymen sóndirildi. Órt 130 sharshy metr aýmaqty sharpydy. Oqıǵa saldarynan kúıik jaraqattarymen 1992 jyly týǵan er adam aýrýhanaǵa jetkizildi. Jaǵdaıy – aýyr», - dedi resmı ókil.

Órttiń shyǵý sebepteri anyqtalyp jatyr. Tilsiz jaýmen kúreske elordalyq Tótenshe jaǵdaılar departamentiniń jeke quramynyń 57 adamy men 13 tehnıkasy jumyldyryldy.

Joǵary qaraı