Aýa raıy
Astana -5 °S
Almaty 12 °S
valıýta baǵamy
USD 389.34
EUR 428.78
RUB 6.05
CNY 55.45

Elordada Onkologııadaǵy Dúnıejúzilik kóshbasshylar sammıti bastaldy

2019 jyldyń 15 qazan 2019 10:45

NUR-SULTAN. QazAqparat – Búgin elordada Onkologııadaǵy Dúnıejúzilik kóshbasshylar sammıtiniń jumysy bastaldy. Sharaǵa 70 elden 350 delegat qatysyp jatyr, dep habarlaıdy QazAqparat tilshisi.

Forým jumysyna Halyqaralyq obyrǵa qarsy odaq (UICC) prezıdenti, joǵary mártebeli hanshaıym Dına Maıred, Qazaqstan Densaýlyq saqtaý mınıstri Eljan Birtanov qatysýda.

Uıym málimetine qaraǵanda, obyr aýrýy júrek-qan tamyrlary dertterinen keıingi ólim-jitimniń ekinshi sebebi bolyp sanalady. Ótken jyly bul aýrý álem boıynsha 9,6 mıllıon adamnyń ómirin qıdy. Dúnıejúzi boıynsha 18 mıllıonnan astam adamǵa obyr dıagnozy qoıylǵan.

«Alaıda qaterli isik emdelýshiler men olardyń otbasylaryn qarjylyq táýekelge ushyratyp qana qoımaıdy, bul sondaı-aq ulttyq ekonomıkany baıaýlatady. Obyrdyń jyl saıynǵy ekonomıkalyq quny 2010 jyly shamamen 1,16 trıllıon AQSh dollaryn quraǵan bolatyn», - delingen taratylǵan málimette.

Joǵaryda aıtylǵandardy eskere otyryp, búkil álemde 2040 jylǵa qaraı jylyna 30 mıllıon obyr aýrýyna shaldyǵýdyń jańa jaǵdaıy tirkeledi dep boljanýda. Osy oraıda úkimetter obyrdyń sapaly aldyn alýǵa, óz azamattary úshin erte anyqtaý men basqarý jáne qarjylyq táýekelderden qorǵaý úshin obyrǵa qarsy kúres jónindegi qyzmetterdi qamtýy tıis. Bul turǵyda densaýlyq saqtaý qyzmetteri jalpyǵa birdeı qamtýdy qamtamasyz etý jónindegi is-qımyldardy jedel keńeıtýi qajet.

Aıta keteıik, sammıt jumysy 17 qazanǵa deıin jalǵasady. Bul sharaǵa densaýlyq saqtaý mınıstrleri, sala mamandary shaqyrtý aldy.

Avtor Rýslan Ǵabbasov
Basty sózder: Medıtsına, Nur-Sultan,
Joǵary qaraı