Aýa raıy
Astana 5 °S
Almaty 8 °S
valıýta baǵamy
USD 389.86
EUR 435.32
RUB 6.12
CNY 55.12

Elordada óndiris qaýipsizdigine arnalǵan KIOSH-2019 kórmesi ótip jatyr

2019 jyldyń 23 mamyr 2019 11:29

NUR-SULTAN. QazAqparat - Elordada KIOSH-2019 kórmesiniń resmı ashylý rásimi ótti. Sharaǵa QR Eńbek jáne halyqty áleýmettik qorǵaý mınıstri Berdibek Saparbaev qatysyp, quttyqtaý sózin sóıledi, dep habarlaıdy QazAqparat tilshisi.

«Ózderińiz jaqsy bilesizder, bizdiń memleketimizdiń, Memleket basshylarynyń júrgizip otyrǵan eń negizgi saıasatynyń biri - adam kapıtalyn damytý, jumysshylardyń eńbegin qorǵaý, óndiris qaýipsizdigin qamtamasyz etý. Sondyqtan dúnıede bolyp jatqan ozyq tájirıbelerdi, tehnologııalardy paıdalanýymyz kerek. Búgin 9-shy ret ótkizilip otyrǵan kórmeniń negizgi maqsaty da - sol. 9 jyldyń ishinde osyndaı kórmelerge 400-den astam kompanııa qatysyp, oǵan 10 myńǵa jýyq adam keldi», - dedi shara barysynda mınıstr.



null

Onyń atap ótýinshe, kórmege jumysshylardy qorǵaýǵa, óndiris qaýipsizdigin qamtamasyz etýge kerekti qural-saımandar shyǵaratyn kompanııalar qatysyp otyr. Sonymen qatar, olar kórme aıasynda ótkiziletin sharalar barysynda ozyq tájirıbesimen bólispek.

«Jyl saıyn elimizdegi óndiristik jaraqattaný deńgeıi shamamen 80 paıyzǵa tómendep keledi. Qaıǵyly oqıǵalar sanynyń azaıǵany da baıqalady. Biraq, óndiriste jaraqat alý áli de bar. Máselen, ótken jyldyń ishinde shamamen 1 500 jaraqattaný deregi tirkelip, ókinishke qaraı 220 adam qaza tapty. Sondyqtan biz óndiriste jaraqat alý deńgeıin barynsha tómendetý úshin jumys isteýimiz qajet», - dedi B.Saparbaev.



null

Aıta keteıik, úsh kúnge sozylatyn KIOSH-2019 kórmesine Qazaqstan, Qytaı, Reseı jáne Túrkııadan 40 kompanııa qatysyp jatyr. Kórmeniń ekspozıtsııasy óndirýshiler men qorǵanys quraldaryn, toqyma buıymdaryn, jabdyqtardy, ońaltý jáne profılaktıka ónimderin, sondaı-aq iri ónerkásiptik kásiporyndardy, tájirıbe almasý jáne tájirıbe almasý ortalyqtaryn usyndy.

Jyl saıyn KIOSH kórmesi Qazaqstan Respýblıkasy Eńbek jáne halyqty áleýmettik qorǵaý mınıstrliginiń qoldaýymen uıymdastyrylady.




null


null


null


null


null


null


null


null

Joǵary qaraı