Aýa raıy
Astana 14 °S
Almaty 22 °S
valıýta baǵamy
USD 389.52
EUR 429.21
RUB 6.07
CNY 54.94

Elordada Nurǵısa Tilendıev atyndaǵy mýzyka festıvali ótedi

2019 jyldyń 26 naýryz 2019 05:18

NUR-SULTAN. QazAqparat - KSRO halyq artısi, Halyq qaharmany, kompozıtor, dırıjer, dombyrashy, kúıshi, halqymyzdyń uly perzenti Nurǵısa Tilendıev atyndaǵy «Óz elim» mýzyka festıvali bıyl altynshy ret ótkeli otyr, dep habarlaıdy QazAqparat.

Festıval 2008 jyly saltanatty túrde tuńǵysh ret shymyldyǵyn túrdi. Joba avtory - Qazaqstannyń eńbek sińirgen qaıratkeri, Astana qalasy ákimdiginiń Memlekettik akademııalyq fılarmonııasynyń Bas dırektory jáne kórkemdik jetekshisi Sáken Ábdirahmanov.

Nurǵısa Tilendıev keıingi urpaqqa ómirsheń týyndylaryn, áserli ánderin, sulý sazyn qaldyryp, óner tuǵyrynda qyrandaı qanat qaǵyp, qalyqtaǵan alyp júrek ıesi. Onyń máńgilik shyǵarmalaryn dáripteý kúlli qazaq jurtynyń paryzy.

Naǵyz has talanttardy bir arnaǵa toǵystyrǵan bul festıvaldiń negizgi maqsaty da sol - uly esimdi ulyqtaý. Eki jylda bir ret klassıkalyq vokal (erler jáne áıelder), dombyra, dırıjerleý nomınatsııalary boıynsha ótetin festıvaldiń mártebesi jyl sanap artyp keledi.

Osy ýaqytqa deıin festıvalge KSRO Halyq artısi, Memlekettik syılyqtyń ıegeri, Sotsıalıstik Eńbek eri, akademık, professor Bıbigúl Tólegenova, Qazaqstannyń halyq artısteri Nurǵalı Núsipjanov, Altynbek Qorazbaev, Nurjamal Úsenbaeva, Qazaqstannyń eńbek sińirgen qaıratkerleri Aıtqaly Jaıymov, Azamat Jyltyrkózov, Tileýǵalı Qyshqashbaev, Ermurat Úsenov, Qyrǵyzstannyń halyq artısi Muratbek Begalıev syndy óner alyptary qazylyq jasap, halyqtyń zor senimine ıe boldy.

Óner baıqaýy 27 naýryz ben 1 sáýir aralyǵynda QazUÓÝ Organ zaly, «Astana» kontsert zaly men Qorǵanys Mınıstrliginiń kontsert zalynda ótedi.



Basty sózder: Mádenıet, Nur-Sultan, Óner,
Joǵary qaraı