Aýa raıy
Astana 10 °S
Almaty 23 °S
valıýta baǵamy
USD 389.52
EUR 429.21
RUB 6.07
CNY 54.94

Elordada Qyzylorda men Aqtóbe oblystarynyń jármeńkesi ótip jatyr

2019 jyldyń 21 qyrkúıek 2019 11:08

NUR-SULTAN. QazAqparat - Elordada Qyzylorda men Aqtóbe oblystarynyń aýyl sharýashylyǵy ónimderiniń jármeńkesi ótip jatyr, dep habarlaıdy QazAqparat tilshisi.

Jármeńkege Qyzylorda qalasy men oblysqa qarasty aýdandardan 355 tonna ónim túrlerin 24 avtokólikp jetkizgen. Syr óńiriniń taýar óndirýshileri 40-tan astam ónim túrin, onyń ishinde 100 tonna kúrish, 174 tonna qaýyn, qarbyz, asqabaq syndy baqsha daqyldaryn, 5 tonna sút ónimderin, 16 tonna balyq, 45 tonna, kartop, basty pııaz, qııar, qyzanaq, 3,5 tonna jemis, 10 tonna as tuzyn, 1,5tonna Qyzylorda konfetterin saýdalap jatyr.







«Oblystyń aýyl sharýashylyǵy salasy sońǵy 5 jylda joǵary kórsetkishterdi kórsetýde. Oblystyń ishki jalpy óniminiń qurylymyndaǵy aýyl sharýashylyǵynyń úlesi 2,5 paıyzdan 3,7 paıyzǵa artty, aýyl sharýashylyǵynyń negizgi kapıtalyna salynǵan ınvestıtsııa 45,9 esege, al tamaq ónimderin óndirý 10,0 paıyzǵa ósti. Sharýashylyq sýbektilerinde sońǵy 5 jylda et óndirý 73,9, sút 31,6 paıyzǵa artty», - dedi Qyzylorda oblysy ákiminiń orynbasary Baqyt Jaqanov.

Onyń atap ótýinshe, aýyl sharýashylyǵy daqyldary ótken jylmen salystyrǵanda 5,8 myń gektarǵa artyq egilgen. Eginge oraq salý jumystary 20 tamyzdan bastaldy. Búgingi kúni 87,9 myń gektar kúrishtiń 37 247 gektary oryldy.,Oonyń 29 102 gektary bastyrylyp, 143,8 myń tonna ónim alyndy. Orta ónim 49,4 gektaryna tsentnerdi quraıdy. Kúrish jınaý jumystary jalǵasýda.

«2019 jyly jalpy quny 8 mlrd teńgeni quraıtyn 16 ınvestıtsııalyq joba iske asyrylýda. Ústimizdegi jyldyń 1 tamyzyna aýyl sharýashylyǵy ónimderiniń eksporty 93,6 paıyzdy quraıdy. Onyń ishinde kúrish eksporty 84,9 paıyz bolsa, baqsha daqyldary 8 esege, kókónister 2,6 esege artty. Aǵymdaǵy jyly Iran Islam Respýblıkasyna 789 bas qoı jáne Ózbekstan memleketine 59 bas túıe, 250 bas iri qara, Birikken Arab Ámirlikterine 950 bas qoı jóneltildi. Jyl sońyna deıin Iran memleketine 150 bas iri qara, BAÁ-ge 1000 bas iri qara jáne 200 bas qoı, sondaı-aq baqsha daqyldaryn eksporttaý josparlanyp otyr», - dedi ol.




Al Aqtóbe oblystyq aýyl sharýashylyǵy basqarmasynyń basshysy Qusaıyn Sársembaıdyń aıtýynsha, óńirdiń taýar óndirýshileri elordaǵa 215 tonnaǵa jýyq ónim jetkizilgen.

«Oblystyń taýar óndirýshileri qus, jylqy, sıyr, qoı etin, kókónister, sút ónimderin, makoron, kondıterlik ónimderdi alyp keldi. Jármeńkedegi ónimderdiń baǵasy elorda bazarlaryndaǵy baǵadan 10-15 paıyzǵa arzan. Sondyqtan tańerteńnen kelip saýda jasap jatqan elordalyqtardyń qarasy qalyń. Sıyr etin 1500, jylqy etin 1700, qoı etin 1300-den satyp jatyrmyz», - dedi basqarma basshysy.
















Avtor Marlan Jıembaı
Basty sózder: Nur-Sultan, Azyq-túlik,
Joǵary qaraı