Aýa raıy
Astana 13 °S
Almaty 17 °S
valıýta baǵamy
USD 386.34
EUR 427.25
RUB 5.88
CNY 54.57

Elordada kúnine 100-ge jýyq sábı dúnıege keledi

2019 jyldyń 12 shilde 2019 22:54 274

NUR-SULTAN. QazAqparat - Nur-Sultan qalasynda 3 perınataldyq ortalyqta kúnine 100-ge jýyq sábı dúnıe esigin ashady, dep habarlaıdy Elorda Info.

«Qala boıynsha jyl saıyn shashamen 31 myń adam sábı dúnıege keledi. Al kúnine 100-ge jýyq bala dúnıe esigin ashady. Búginde qalada 3 perınataldyq ortalyq bar. Bizdiń kótergen máselemiz - perınataldyq ortalyqtardy aýrýhanalarmen biriktirý. Búginde qalada bul tájirıbe №1 perınataldyq ortalyq pen №2 qalalyq aýrýhanasynyń bazasynda qolǵa alyndy. Endigi ýaqytta qalǵan eki ortalyqty da solaı jasaý qajet. Nege deseńizder, sebebi perınataldyq ortalyqqa júkti áıelder túrli jaǵdaımen túsedi, keıde ota jasaý kerek sátter bolady. Sondaı kezdeısoq jaǵdaıda aýrýhanamen biriktirilgeni tıimdirek», - dedi №3 perınataldyq ortalyǵynyń bas dárigeri Zaıtýna Hamıtýllına. 

Onyń aıtýynsha, bıyl jyl basynan beri elordada 16 myńǵa jýyq sábı dúnıege keldi. 

«Taǵy bir perınataldyq ortalyqtarǵa tán ortaq másele ol ǵımarattardyń eskirýi, bizge jańa ǵımarat kerek. Onyń ústine ózińiz bilesiz, elordaǵa jyl sanap óńirlerden kelýshilerdiń sany artyp keledi. Sondaı-aq, maman tapshylyǵy da bar. Qazirgi tańda elordada reanımatolog jáne anestezıolog mamandarynyń jetispeýshiligi bar», - dedi ol. 

Z.Hamıtýllınanyń deregine súıensek, ótken jyly bas qalada túrli sebeptermen 3 júkti áıel kóz jumǵan.  

 

Basty sózder: Qoǵam, Nur-Sultan,
Joǵary qaraı