Aýa raıy
Astana -2 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Elordada dombyra eskertkishine baıqaý jarııalandy

2019 jyldyń 26 naýryz 2019 14:15

NUR-SULTAN. QazAqparat - QR Ulttyq akademııalyq kitaphanasy dombyra eskertkishine baıqaý jarııalady, dep habarlaıdy QazAqparat kitaphananyń baspasóz qyzmetine silteme jasap.

Eń úzdik jumys QR Ulttyq akademııalyq kitaphanasynyń aldynda ornatylady.

«Elbasy N.Á.Nazarbaevtyń «Rýhanı jańǵyrý: Bolashaqqa baǵdar» jáne «Uly dalanyń jeti qyry» atty baǵdarlamalyq maqalalar aıasynda, 2018 jyly Elbasy sheshimimen shildeniń birinshi jeksenbisi Ulttyq dombyra kúni bolyp jarııalanǵan edi. Atalǵan bastamany júzege asyrý maqsatynda QR Ulttyq akademııalyq kitaphanasy qazaq halqynyń mýzykalyq mádenıetiniń basty sımvoly ári uly aspaby - dombyra eskertkishi kompozıtsııasyna baıqaý jarııalaıdy», - delingen Ulttyq kitaphana habaralmasynda.

Baıqaýǵa Qazaqstan Respýblıkasynyń sýretshileri men músinshileri shaqyrylady.

«Baıqaýdyń basty talaptary: eskertkish 20 metr bıiktikke sáıkes kelip, dybystyq effektilerdi berýi kerek jáne metal qurylǵydan jasalýy shart», - dep habarlady kitaphana.

Baıqaý 2019 jyldyń 24 naýryzynan 24 sáýirine deıin júrgiziledi.

Materıaldar info@nabrk.kz poshtasyna qabyldanady. Sonymen birge, konkýrsqa qatysýshylardyń eńbekteri áleýmettik jelide (Facebook) jarııalanady jáne daýys beriledi.

Avtor Aıjan Serikjanqyzy
Basty sózder: Óner, Nur-Sultan, Mádenıet,
Joǵary qaraı