Aýa raıy
Astana 5 °S
Almaty 8 °S
valıýta baǵamy
USD 389.81
EUR 430.27
RUB 6.06
CNY 54.91

Elordada bos jumys oryndary jármeńkesi ótedi

2019 jyldyń 21 mamyr 2019 22:05

NUR-SULTAN. QazAqparat - Elordada bos jumys oryndary jármeńkesinde 80-nen astam jumys berýshi 1 myńnan astam bos jumys ornyn usynady, dep habarlaıdy elorda ákimdiginiń resmı saıty.

22 mamyrda saǵat 10:00-den 13:00-ge deıin halyqty jumyspen qamtý ortalyǵy «Jastar» saraıynda jalpyqalalyq bos oryndar jármeńkesin ótkizedi. Bos jumys oryndary jármeńkesi óz alańynda elordanyń 80-nen astam jumys berýshisiniń basyn qosady. Olar 1 myńnan astam bos jumys ornyn usynbaq.

Jármeńkege kelýshiler jumys berýshilermen aldyn ala áńgimelesýden ótip, túıindemesin qaldyra alady. Oqý oryndarynyń túlekteri úshin jastar praktıkasynan ótý, sondaı-aq halyqtyń nysanaly toptarynyń tulǵalaryna áleýmettik jumys oryndary máselesi boıynsha aqparat alý múmkindigi usynylady.

Sonymen qatar, nıet bildirýshiler jumyspen qamtý ortalyǵynyń mamandarynan qajetti mamandyqtar boıynsha qysqa merzimdi kásiptik oqýdan ótý máseleleri boıynsha keńes ala alady.

Basty sózder: Qoǵam, Ákimdik, Nur-Sultan, Jumyspen qamtý,
Joǵary qaraı