Awa rayı
Astana -11 °S
Almatı -6 °S
valyuta bağamı
USD 371.56
EUR 422.43
RUB 5.56
CNY 53.51

Elordada bïіktіgі 16 metrdі quraytın muz töbeşіk payda boladı

2018 jıldıñ 21 qaraşa 2018 09:56 315

ASTANA. QazAqparat - Täwelsіzdіk künі qarsañında elordada şañğı mawsımı resmï türde aşıladı, dep xabarlaydı elorda äkіmdіgіnіñ resmï saytı.

Qazіrgі tañda QR Tuñğış Prezïdentі künіne, elordanı Astanağa köşіrw künіne jäne Täwelsіzdіk künіne dayındıq jumıstarı belsendі türde jürgіzіlіp jatır. Är merekege oray otşaşwlar, körmeler men koncertter sïyaqtı mädenï buqaralıq іs-şaralardı aşıq jäne jabıq alañdarda ötkіzw josparlanğan.

«Bіz awdannıñ awmağında turatın xalıqtıñ älewmettіk osal toptarındağı otbasılarğa erekşe köñіl bölemіz. Olardı qalada ötetіn barlıq іs-şaralarğa şaqıramız. Bіlіm berw mekemelerіnіñ barlığında aşıq esіk künderі ötkіzіledі. Merekelerge dayındıq jumıstarı awdanda qızw jürіp jatır», - dedі jeltoqsan ayında atalıp ötіletіn meyramdardı merekelew taqırıbına arnalğan brïfïngte Almatı awdanı äkіmіnіñ orınbasarı Tınısbek Araşapov.   

Täwelsіzdіk künі qarsañında, yağnï 15 jeltoqsanda ötetіn «Alğaşqı qar» şarasında şañğı mawsımı resmï türde aşıladı dep kütіlwde. Bul künі elordanıñ botanïkalıq bağındağı, Trïatlon sayabağındağı, Prezïdenttіk jäne Jeruyıq sayabaqtarındağı şañğı trassaları öz jumısın bastamaq.

«Qısqı demalısqa arnalğan barlıq aşıq alañdar tegіn boladı. Olardıñ arasında muz aydındarı, muz töbeşіkter men şañğı trassaları bar. «Şabıt» şığarmaşılıq sarayınıñ aldındağı Täwelsіzdіk alañında qaladağı eñ ülken muz aydını uyımdastırıladı. Prezïdenttіk sayabaqta bïіktіgі 16 metrdі quraytın muz töbeşіk qoyıladı. Ol qaladağı eñ bïіk töbeşіk bolsa kerek. Bul - qala men onıñ turğındarına arnalğan sıylıq. Bіz barlıq jumıstardı 16 jeltoqsanğa deyіn ayaqtawdı josparlap otırmız. Mektep awmaqtarında qısqı sport türlerіmen aynalıswğa mümkіndіk beretіn barlıq jağday jasaladı», - dedі Tınısbek Araşapov.

 

 

Bastı sözder: Astana, Qoğam,
Joğarı qaray