Aýa raıy
Astana 3 °S
Almaty 5 °S
valıýta baǵamy
USD 388.96
EUR 432.21
RUB 6.09
CNY 54.99

Elordada «Azbýka jılıa» basshysynyń múlki tárkilendi

2019 jyldyń 18 qyrkúıek 2019 12:42

NUR-SULTAN. QazAqparat – Elordada «Azbýka jılıa» kompanııalar tobynyń ıesi Erqanat Taıjanovtyń múligi tárkilendi. Bul týraly qalalyq prokýratýradan málim etti, dep habarlaıdy QazAqparat tilshisi.

«Azbýka jılıa» kompanııalar tobynyń ıesi E. Taıjanovqa qatysty qylmystyq isti zertteý barysynda qylmystyq jolmen alynǵan múlik anyqtaldy, ıaǵnı 5 jer telimi men LEXUS LX570 avtokóligi begili boldy. Taıjanovtyń halyqaralyq izdeýde júrgenine baılanysty, Nur-Sultan qalasy prokýratýrasy Almaty aýdanynyń №2 sotyna zańsyz jolmen alynǵan múlikti sotqa deıingi tárkileý týraly ótinimhat engizdi», - delingen taratylǵan málimette.

Osy oraıda aýdandyq sot qaýlysymen ótinimhat tolyqtaı qanaǵattandyrylyp, Taıjanovtyń múligi memleket paıdasyna berildi.

«Qazirgi kezde sot aktisi zańdy kúshine enip, onyń oryndalýyna baǵyttaldy. Qala prokýratýrasy qylmystyq tabystar men jymqyrylǵan aktıvterdi tárkileý boıynsha jumysty jalǵastyrýda», - delingen habarlamada.


Joǵary qaraı