Aýa raıy
Astana -9 °S
Almaty 0 °S
valıýta baǵamy
USD 388.70
EUR 428.70
RUB 6.08
CNY 55.46

Elordada áskerge baratyn jastardyń densaýlyǵy jaqsaryp keledi

2019 jyldyń 18 qazan 2019 21:01

NUR-SULTAN. QazAqparat - Búgin elordadan QR Qarýly kúshteri «Ońtústik» óńirlik qolbasshylyǵynyń áskerı bólimderi qataryna bir top jas attandy, dep habarlaıdy Nur-Sultan qalasy Qorǵanys isteri jónindegi departamenti.

Jalpy, bıyl kúzgi shaqyrylym boıynsha ár óńirge elordadan 800 jas boryshyn óteýge barady. Onyń 300-i Qarýly kúshterdiń áskerı bólimderi qatarynda qyzmet etpek.

Dárigerlik komıssııanyń málimetinshe, ásker jasyndaǵy azamattardyń densaýlyǵy burynǵydan jaqsarǵan.

«Bir qýantatyny, jastardyń densaýlyqtarynyń jalpy jaǵdaıy jyldan jylǵa jaqsaryp keledi. Emdelýdi qajet etetin jastar da bar. Olarǵa shaqyrýdy keıinge qaldyrtyp, tizimderin emdeý mekemelerine tapsyryp, josparly túrde qadaǵalap otyrmyz. Densaýlyqtary túzelgennen keıin áskerı qyzmetke attandyramyz», - deıdi Qalalyq áskerge shaqyrý dárigerlik komıssııasynyń tóraǵasy Omarov Bolat Murádiluly.

Nur-Sultan qalasy qorǵanys isteri jónindegi departamenti qazir ákimdikpen birlesip, jumyssyz jastardy áskerge tartýmen belsendi aınalysyp jatyr. Departament bergen málimetke sáıkes, 2019 jylǵy kóktemgi áskerge shaqyrý naýqanynda áskerge attandyrylǵan 826 azamattyń 514-i, ıaǵnı 62,2%-ynyń turaqty jumysy joq.

«Jumyssyz jastar áskerı mamandyq alý úshin oqý-jattyǵý bólimderine jiberiledi. Bul olarǵa bolashaqta áskerı qyzmetti kelisimshart boıynsha jalǵastyrýǵa utymdy múmkindik syılaıdy. Al kelisimshartpen qyzmette qalǵandarǵa baspanaly bolýǵa, paıyzdyq mólsheri az ıpoteka rásimdeýge, januıasyna tegin medıtsınalyq qyzmetter alýǵa múmkindikter beriledi», - deıdi departament ókilderi.










Basty sózder: Ásker, Medıtsına, Nur-Sultan,
Joǵary qaraı