Aýa raıy
Astana -7 °S
Almaty 14 °S
valıýta baǵamy
USD 389.98
EUR 434.01
RUB 6.10
CNY 55.04

Elorda ákimdigi: Avtobýsta jaraqat alǵandarǵa kómek týraly jalǵan aqparat tarap jatyr

2019 jyldyń 26 naýryz 2019 14:26

NUR-SULTAN. QazAqparat - Elordadaǵy avtobýstar apatynan zardap shekkenderge shuǵyl túrde qan tapsyrý qajettigi týraly aqparat shyndyqqa janaspaıdy, dep habarlaıdy QazAqparat tilshisi.

«Áleýmettik jeliler men messendjerlerde iri kólik apaty saldarynan zardap shekkenderge shuǵyl túrde qan tapsyrý qajettigi týraly jalǵan aqparat tarap jatyr. Osyǵan baılanysty patsıentterge sapaly em-dom kórsetý úshin barlyq qajetti zattar klınıkada bar ekenin resmı túrde jarııalaımyn. Bul turǵyda dúrbeleń týdyrýdyń reti joq», - delingen qala ákimdiginiń baspasóz hatshysy Elvıra Júrgenbaeva málimetinde.

Aıta keteıik, Elordadaǵy iri kólik apaty boıynsha polıtsııa tergeý amaldaryn bastady.

Budan buryn habarlanǵandaı, elordadaǵy jantúrshigerlik kólik apatynan zardap shekkender sany 27-ge jetti.

Eske salsaq, 26 naýryz kúni Uly Dala men Qabanbaı batyr dańǵyly qıylysynda úsh avtobýstyń jáne jeńil kólikterdiń qaqtyǵysýymen jol-kólik oqıǵasy oryn aldy. Qala mańy baǵdaryndaǵy № 301 avtobýs № 12 baǵdardaǵy jolaýshylar avtobýsymen soqtyǵysty. Osynyń ekpinimen olar № 53 avtobýsqa jáne jedel járdem kóligine baryp soǵyldy.

Joǵary qaraı