Aýa raıy
Astana 11 °S
Almaty 12 °S
valıýta baǵamy
USD 389.59
EUR 429.06
RUB 6.05
CNY 55.07

Elızabet Tursynbaeva álem chempıonatynyń kúmis júldegeri atandy

2019 jyldyń 22 naýryz 2019 18:58

ASTANA. QazAqparat - Japonııanyń Saıtama qalasynda mánerlep syrǵanaýdan álem chempıonatynda qazaqstandyq Elızabet Tursynbaeva kúmis júldeger atandy, dep habarlaıdy QazAqparat tilshisi.

Qazaqstandyq sportshy erkin baǵdarlamany tamasha oryndap, qorytyndyda 224,76 ball jınady. Sportshylardyń eń sońynan shyqqan E.Tursynbaeva eresekter arasyndaǵy álem chempıonatynda tuńǵysh ret tórt aınalymdyq salhov elementin oryndady. Muny shyn máninde tarıhı nátıje deýge bolady.

Reseılik Alına Zagıtova 237,50 balmen álem chempıony atandy. Onyń otandasy Evgenııa Medvedeva 223,80 balmen úshinshi orynǵa kóterildi.

Osylaısha, 19 jasar Elızabet Tursynbaeva qyzdar arasynda Qazaqstannan alǵash ret álem chempıonatynyń júldegeri atanyp, Naýryz meıramyna tamasha syı jasady.

Eske sala keteıik, E.Tursynbaeva qysqa baǵdarlamadan keıin úshinshi orynda kele jatqanyn jazǵan bolatynbyz.

Avtor Eljan Eraly
Basty sózder: Qoǵam, Sport,
Joǵary qaraı