Aýa raıy
Astana -1 °S
Almaty 2 °S
valıýta baǵamy
USD 389.86
EUR 435.32
RUB 6.12
CNY 55.12

Elimizdiń aımaqtarynda búrkitshiler ortalyǵy ashylady

2019 jyldyń 26 naýryz 2019 12:27

NUR-SULTAN. QazAqparat - Elimizdiń aımaqtarynda búrkitshiler ortalyǵy ashylady. Bul týraly búgin Úkimet otyrysynda Jastar jylyn ótkizý jónindegi jol kartasy týraly baıandaǵan Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.

«23 qańtar kúni Tuńǵysh Prezıdent jastarmen kezdesti. Sol jerde usynys-tilekterin bildirgen jastardyń sózin tyńdady ári ol usynystarǵa nazar aýdardy. Qazir jastar jylyn ótkizýge qatysty Jol kartasy qabyldanǵan. Alaıda kezdesýden keıingi jastardyń usynystary eskerilip, jańa 5 bastama qosylyp otyr. Birinshi - Bilim jáne ǵylym mıınstrligimen birlesip, «Ózińdi tap» jobasyn iske qosý. Bul jas qazaqstandyqtardyń kásiptik baǵdaryn anyqtaý maqsatynda júzege asyrylmaq. ıAǵnı, jastarymyzǵa ózi qyzyǵatyn durys mamandyq tańdaýǵa baǵyt berý», - dedi mınıstr.

Ekinshiden, onyń aıtýynsha, elimizdiń aımaqtarynan búrkitshiler ortalyǵyn ashýǵa baılanysty sharalar qabyldanady.

«Asqar Uzaqbaıuly, ózińizdiń de esińizde bolar, Jastar jylynyń saltanatty ashylý rásiminde qazaqtyń atyn álemge tanytyp júrgen Aısholpan esimdi búrkitshy qyz ortalyq ashýdy usynǵan edi. Jattyǵý ortalyqtaryn ashyp, túrli deńgeıdegi jarystar ótkizip qana qoımaı, Mádenıt jáne sport mınıstrligimen birlesip, jumys júrgizý josparlanǵan. Osylaısha ultymyzdyń kóne ónerin Qazaqstandaǵy etnotýrızmniń mańyzdy ári ajyramas bólshegine aınaldyrý kózdelip otyr», - dedi ol.

Mınıstrdiń sózine qaraǵanda, úshinshiden jergilikti ákimdiktermen birlesip, ózin-ózi qorǵaý jónindegi tegin sheberlik synyptaryn ótkizý, jastarǵa arnalǵan sporttyq klýbtardy damytý boıynsha tıisti sharalar qabyldanady. Tórtinshiden - Bilim jáne ǵylym mınıstrligimen birigip, «Stýdenttik bastama» dep atalatyn jalpy respýblıkalyq eriktiler qozǵalysy jáne jas eriktiler bazasyn qurylmaq. Osylaısha, múmkindigi shekteýli jandarǵa, qarttarǵa, jetimder men jalǵyz basty úısiz-kúısiz adamdarǵa kómek kórsetý maqsat etilip otyr.

«Besinshiden medıa salanyń kelesheginen úmit kúttiretin jas ókilderin tarta otyryp, Qazaqstannyń ulttyq brendin alǵa jyljytýǵa baǵyttalǵan jańa quraldardy qurý josparlanǵan. Qazirdiń ózinde bizdiń sportshylarymyzdyń, óner salasy adamdarynyń jetken jetistikteri de elimizdiń oń ımıdjin qalyptastyrýǵa túrtki bolyp otyr», - dedi D.Abaev.

Joǵary qaraı