Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Elimizdegi qyrǵyz, armıan nómirli kólik ıelerine aıyppul salyna bastaıdy

2019 jyldyń 21 qazan 2019 17:34

NUR-SULTAN, QazAqparat –Jol erejesin buzǵan qyrǵyz, armıan jáne reseılik nómirmen júrgen júrgizýshilerge aıyppuldar salynbaq, dep habarlaıdy QazAqparat tilshisi.

«21 qazannan bastap elordadaǵy jáne Aqmola, Aqtóbe, Atyraý, Shyǵys Qazaqstan, Qaraǵandy, Qostanaı, Mańǵystaý, Pavlodar oblystarynda, sonymen qatar Shymkent qalasyndaǵy foto jáne vıdeotirkeý júıelerinde tirkelgen ereje buzýshylyqtar týraly nusqaýlardy tek qazaqstandyq nómiri bar júrgizýshiler ǵana emes, sheteldik tirkeýde turǵan avtokólik ıeleri de alady», - delingen QR Bas prokýratýrasynyń quqyqtyq statıstıka jáne arnaıy esepke alý jónindegi komıtetiniń baspasóz habarlamasynda.

Buryn mundaı múmkindik bolǵan joq, sebebi ereje buzýshylyqtar týraly nusqaýlar tek Qazaqstan Respýblıkasynda tirkelgen kólikterdiń tehnıkalyq pasportyna jazba negizinde jasalǵan. Sheteldik nómir belgileri boıynsha kólik júrgizýshisi kim ekenin anyqtaý jáne ákimshilik aıyppul salý qıyn bolǵan.

«Sondaı-aq, sońǵy 3 jylda sheteldik nómirli kólikpen oryn alǵan jol-kólik oqıǵalary 2 ese ósip ketken. Osy sebepti mundaı kólik ıelerine aıyppul salý joldaryn qarastyrý qajet boldy», - deıdi Komıtet.

Qazaqstan Respýblıkasy aýmaǵyndaǵy júrgizýshilerde kólik quraly qaı elde tirkelgenine qaramastan mindetti saqtandyrý polısi bolýy kerek.

Aıta ketsek, sheteldik kólikti basqaratyn adamnyń kim ekeni týraly aqparat saqtandyrý polısiniń negizinde anyqtalady, onda adam jáne kólik quraly týraly barlyq qajetti sáıkestendirý aqparaty bar.

Joǵary qaraı