Awa rayı
Astana -13 °S
Almatı -8 °S
valyuta bağamı
USD 375.95
EUR 425.80
RUB 5.74
CNY 55.94

Elіmіzde qayır surap jürgen 24 mıñğa jwıq adam ustaldı

2019 jıldıñ 21 qañtar 2019 16:52 569

ASTANA. QazAqparat - 2018 jılı qayır surap jürgen 24 mıñğa jwıq adam ustaldı. Munday derektі Mäjіlіs depwtattarınıñ resmï sawalına jawap bergen QR Premer-Mïïnstrі Baqıtjan Sağıntaev keltіrdі, dep xabarlaydı QazAqparat tіlşіsі.

«Іşkі іster mïnïstrlіgіnіñ derekterі boyınşa, Qazaqstan Respwblïkasınıñ Äkіmşіlіk quqıq buzwşılıq twralı jaña kodeksі qabıldanğan sätten bastap azamattarğa mazalap tïіskenі üşіn 70 mıñnan astam adam jawapkerşіlіkke tartıldı, sonday-aq 17,5 mıñnan astam adam äkіmşіlіk qamaqqa alındı, şamamen 600 şetel 2 azamatı elden tıs şığarıldı. 2018 jılı qayır surap jürgen 24 mıñğa jwıq adam ustaldı, olardıñ іşіnde Astana qalası boyınşa - 4,5 mıñnan astam», - deydі Ükіmet basşısı. 

Onıñ atap ötwіnşe, belgіlі bіr turatın jerі joq adamdar men qayırşılardıñ sanın azaytw maqsatında jergіlіktі atqarwşı organdar olardı anıqtaw, waqıtşa bolw uyımdarına ornalastırw jäne «Arnawlı älewmettіk qızmetter twralı» Qazaqstan Respwblïkasınıñ Zañına säykes olarğa medïcïnalıq, psïxologïyalıq kömek, zañdıq keñes berw, tïіstі jeñіldіkter men järdemaqılar resіmdew, qujattardı qalpına keltіrw, bіlіm alwğa jäne jumısqa turwğa kömek körsetw boyınşa jumıstı turaqtı negіzde jürgіzedі.

Qazaqstan Respwblïkası Densawlıq saqtaw jäne älewmettіk damw mïnïstrіnіñ 2015 jılğı 26 nawrızdağı № 165 buyrığımen bekіtіlgen Xalıqtı älewmettіk qorğaw salasında arnawlı älewmettіk qızmetter körsetw standarttarına säykes waqıtşa bolw uyımdarı mіndettі türde adam sanı jüz mıñnan asatın qalalarda qurıladı jäne qajet bolğan kezde jergіlіktі atqarwşı organdar olardı xalıq sanı otız mıñ jäne odan astam eldі mekenderde qurwğa quqılı.

Waqıtşa bolw uyımdarında arnawlı älewmettіk qızmetter mınaday üş model eskerіle otırıp usınıladı:

1) «Ömіrdegі qïın jağdaydı eñserw» adamnıñ qalawı boyınşa şarttıq qatınastarda jüzege asırıladı jäne taraptardıñ özara mіndettemelerіn közdeydі, onda älewmettіk beyіmdew ortalığı käsіbï oqwğa nemese qayta oqwğa jіberіp, adamnıñ bіr jılğa deyіngі merzіmge täwlіk boyı turwın (tamaqtanwdı, turwdı, bіrіnşі qajettі zattar men özge qızmetterdі usınwmen), jumısqa turwına, jaldamalı turğın üy nemese jataqxanadan orın alwğa kömek körsetwdі qamtamasız etedі, al adam özіne käsіbï oqwdan ötw jäne Ortalıq jіberіp otırğan uyımdarğa jumısqa turw mіndettemelerіn aladı;

2) «Tünde bolw bölіmşesі» ömіr saltın özgertwdі qalamaytın üysіz adamdardı ıstıq tamaqpen qamtamasız etpey, olarğa täwlіktіñ tüngі waqıtında tösek-orın türіnde usınıladı;

3) «Älewmettіk patrwl» mobïldіk qızmetі» köşelerde täwlіktіñ kündіzgі waqıtında üysіz adamdarğa medïcïnalıq-älewmettіk kömek körsetw üşіn.

«Eger älewmettіk beyіmdew ortalığına jügіngen adam jalğız bastı zeynetker nemese 1, 2-toptağı mügedek bolğan jağdayda onı qarttarğa jäne mügedekterge arnalğan stacïonarlıq ülgіdegі medïcïnalıq-älewmettіk mekemege jіberedі», - dedі B.Sağıntaev.

 

 

Joğarı qaray