Aýa raıy
Astana 0 °S
Almaty 21 °S
valıýta baǵamy
USD 389.59
EUR 429.06
RUB 6.05
CNY 55.07

Elimizde balalarǵa arnalǵan tegin týrıstik poıyz shyǵarý usynyldy

2019 jyldyń 21 mamyr 2019 10:31

NUR-SULTAN. QazAqparat - Qazaqstanda 2020 jyldan bastap barlyq óńirlerge tegin «Balalardyń týrıstik poıyzy» jobasyn iske qosý josparlanýda. Bul jobany Úkimetke Mádenıet jáne sport mınıstri Arystanbek Muhamedıuly usynyp otyr, dep habarlaıdy QazAqparat tilshisi.

«Balalar men jasóspirimder týrızminde ishki kóshi-qon aǵynynyń oń serpinin jasaý úshin rastaıtyn qujatty usynǵan jaǵdaıda «1+2» shemasymen (bir ata-ana úshin eki bala) «KIDS GO FREE» qaǵıdaty boıynsha balalardyń tegin avıamarshrýttaryn sýbsıdııalaý josparlanýda. Mundaı tájirıbe keń halyqaralyq tájirıbege ıe jáne álemniń kóptegen damyǵan elderde - Ulybrıtanııada, Katarda, Taııtıde, Skandınavııa elderinde qoldanylady», - deıdi mınıstr.

Arystanbek Muhamedıuly 2020 jyldan bastap barlyq óńirlerde tegin «Balalardyń týrıstik poıyzyn» iske qosý josparlanyp otyrǵanyn atap ótti.

«Basymdyq áleýmettik osal otbasylardan shyqqan balalarǵa, bilim baıqaýlarynyń jeńimpazdaryna, úzdik oqýshylarǵa jáne basqalarǵa beriledi. Odan bólek, eldegi balalar-jasóspirimder týrızmin damytýdy budan ári jandandyrý úshin Úkimet janyndaǵy tıisti Úılestirýshi keńesti qurý qajet. Osy oraıda, múddeli memlekettik organdar men uıymdarǵa Qazaqstan Respýblıkasy Úkimetiniń janyndaǵy Balalar-jasóspirimder týrızmin damytý máseleleri jónindegi komıssııany qurýǵa kómek kórsetý jóninde tapsyrma berýińizdi suraımyz», - dedi Úkimet basshysyna Arystanbek Muhamedıuly.

Joǵary qaraı