Aýa raıy
Astana 21 °S
Almaty 17 °S
valıýta baǵamy
USD 386.82
EUR 428.67
RUB 5.86
CNY 54.95

Eldos Smetov Býdapeshtegi Gran-prı týrnırinde «altyn» aldy

2019 jyldyń 12 shilde 2019 22:10 899

NUR-SULTAN. QazAqparat​ - Qazaqstandyq Eldos Smetov Býdapeshte dzıýdodan ótip jatqan Gran-prı týrnıriniń jeńimpazy atandy, dep habarlaıdy QazAqparat tilshisi.

Jarystyń alǵashqy kúni qazaqstandyq dzıýdoshylar Eldos Smetov (-60 kg) pen Eldos Jumaqanov (-66 kg) fınalǵa deıin qarsylas shaq keltirgen joq.

Rıo Olımpıadasynyń kúmis júldegeri E.Smetov jartylaı fınalda Nıderlandy eliniń ókili Tornıke Tsjakadoeany utty. Al E.Jumaqanov ıspanııalyq Gaıtero Martın Albertony ýaqytynan buryn, taza jeńdi.

Qos qazaqstandyq sportshynyń fınaldaǵy qarsylastary mońǵol balýandary edi. E.Smetov sońǵy básekede qarsylasyn utyp, altyn aldy. E.Jumaqanov sál keıin tatamıge shyǵady.

Atalmysh dodaǵa álemniń 82 elinen 550-ge jýyq dzıýdoshy qatysýda. Qazaqstannan 16 sportshy barsa, sonyń 12-si - erler.

Áıelder arasynda qazaqstandyqtar Anna Kazıýlına (-52 kg) men Sevara Nıshanbaeva (-57 kg) jarys jolynan erte shyǵyp qaldy.

Eske sala keteıik, budan buryn Eldos Smetov bastaǵan dzıýdoshylardyń Býdapesht týrnırinde baq synaıtynyn jazǵan bolatynbyz.

 

 

Avtor Eljan Eraly
Basty sózder: Sport,
Joǵary qaraı