Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Elbası jäne xalıq: Bïılğı Nawrız nesіmen erekşelendі

2019 jıldıñ 21 nawrız 2019 23:18 1463

ASTANA. QazAqparat - Bïılğı Nawrız merekesі xalıqtıñ esіnde uzaqqa saqtalatını sözsіz. Öytkenі osı jaña jılımız tosın oqïğalarğa tolı boldı jäne 19 nawrızdan berі osı özgerіsterge barşamız kwä boldıq...

                     Nawrız merekesі erekşe toylandı

Bïıl elordadağı EKSPO awmağında uyımdastırılğan Nawrız meyramına bіrneşe künnen berі qızw dayındıq jürdі. Alañda 17 kïіz üy tіgіlіp, altıbaqandar qurılğan. Qazaqtıñ ulttıq salt-dästürlerіn, teatrlandırılğan körіnіsterdі, aytıstı, qazaq estradasınıñ juldızdarı qoyğan koncerttі tamaşalawğa qızığwşılıq tanıtqan qala turğıdarı tañerteñnen keşen awmağına qaray ağıla bastadı.





Qonaqtardı qazaq batırlarınıñ sawıt-saymanın asınğan boyşañ jіgіtter qarsı alıp turdı, qalıñ jurt olarmen jappay swretke tüsіp jattı. Sonımen qatar adamdar är jerde qurılğan sayıs alañdarına jïnalıp, körіnіstі tamaşalawğa kіrіsіp kettі.









Qızw qandı jіgіtter qazaqşa küres, gіr tasın köterw, qol küresі boyınşa küşterіn sınağan bolsa, balalar jağı arqan tartıstı qızıqtap mäz-mayram bolıp jattı. Etnoawılğa jïılğan xalıq taratılğan nawrız köje men ıstıq bawırsaqtan jäne özge de ulttıq tağamdardan däm tatıp, köterіñkі köñіl-küyde jürdі.



Sağat 12:00-ge qaray etnoawılğa kіreberіs jerde Parlament depwtattarı jäne Ükіmet müşelerі jïnala bastadı. Sağattarına qayta-qayta qarağan türlerіnen olardıñ märtebelі meymandardı kütіp turğanı bayqaldı. Olardıñ arasında merekelіk şarağa kelgen QR Ükіmet basşısı Asqar Mamïn, QR Parlamentі Mäjіlіsіnіñ törağası Nurlan Nığmatwlïn, QR Memlekettіk xatşısı Baqıtjan Sağıntaev, Prezïdent Äkіmşіlіgіnіñ basşılığı, sonday-aq Astana qalasınıñ äkіmі Baqıt Sultanov boldı.

Munı sezgen jurşılıq ta sol awmaqqa qaray şoğırlandı. Al tіlşіler qawımı dïktofonı men mïkrofondarın dayınday bastadı. Bіrer sätten keyіn sol jerge toqtağan kölіkten Elbası Nursultan Nazarbaev pen QR Prezïdentі qızmetіne kіrіsken Qasım-Jomart Toqaev tüstі. Elbası qalıñ jurşılıqtıñ arasına ädemі qoñır şapanın kïіp, köterіñkі köñіl-küymen keldі. Jïnalğan köpşіlіk qatar kele jatqan Tuñğış Prezïdent pen Memleket basşısın qawmalap qorşap, jappay swretke, selfïge tüsіp, quttıqtawların jawdıra bastadı. N. Nazarbaev ädetіnşe toyşıl qwımdı Nawrızben quttıqtap, janındağı adamdarmen äzіldeswge de ülgerіp jattı. Elbasınıñ prezïdenttіk ökіlettіktі toqtatw twralı şeşіmіnen xabardar xalıq Nursultan Äbіşulına qïmastıqpen qarap turğanın da añğardıq.


Qobaljığan adamdar köz jasına erіk berіp jattı... Elbası men QR Prezïdentіne jaqın turğan jamağat olardıñ amandığın tіlep, eldegі beybіtşіlіk pen tınıştıqqa alğıstarın aytıp, tіlektestіk bіldіrdі.

Qadіrlі meymandar etnoawıldıñ  orta kezіne qaray jetkende, olardı özіnіñ dästürlі änіmen Xalıq ärtіsі Roza Rımbaeva qarsı aldı.



Aytpaqşı, bügіngі Nawrız toyında elordada nekelerіn qïğan 9 juptıñ erekşe jolı boldı desek qatelespeymіz. Şañıraq kötergen elordalıq jastarğa Nursultan Nazarbaev aq batasın berdі. Elbası jas otbasılardı este qalarlıq osı mañızdı künderіmen quttıqtap, olarğa baqıttı uzaq ömіr tіledі. Sonday-aq eldegі tınıştıqtıñ saqtalwın, ärbіr otbasınıñ ösіp, örkendewіn, jastardıñ patrïottıq rwxta tarbïelenwіn tіlek ettі.







Elbasınıñ serіktesterі men qızmettesterі ne deydі...

Osınaw merekelіk künde alañğa mïnïstrlerdіñ de, depwtattardıñ da bіrqatarı keldі. Olar tіlşіler qawımına elorda atawın özgertw bastamasına qatıstı kökeyіndegі oyın aytıp, tüsіndіrіp jattı.

QR Eñbek jəne xalıqtı əlewmettіk qorğaw mïnïstrі Berdіbek Saparbaev Elbasınıñ eñbegіn layıqtı bağalaw kerektіgіn, qïın kezeñde, yağnï 90-şı jıldarı jaña astananı qurw twralı şeşіm qabıldaw, munday zor jawapkerşіlіk alw ərkіmnіñ qolınan kele bermeytіnіn atap öttі.

«Ol üşіn ülken jürektіlіk pen tabandılıq, senіmdіlіk bolw kerek. Sonıñ dälelі retіnde jaña elodamızdıñ jası qazіr 20 jıldan astı. Sondıqtan bul durıs şeşіm, öytkenі ol bolaşaq üşіn kerek. Jastar öz Otanın, ultın, memleketіn süyіp öswі kerek jəne elge eñbek etken adamdardı da eş waqıtta umıtpawımız qajet. «Tarïxsız bolaşaq bolmaydı» dep aytamız ğoy, osı orayda 20 nawrız künі mañızdı şeşіm qabıldandı dep oylaymın», - dedі Berdіbek Saparbaev.



Sonımen qatar bügіn EKSPO awmağında Parlament Mäjіlіsіnіñ depwtatı Qwanış Sultanovtı da kezdestіrdіk. Esterіñіzde bolsa, ol buğan deyіn elordağa Elbasınıñ esіmіn berw bastamasın bіrneşe ret kötergen edі.

«Bul turğıda Nursultan Nazarbaevtıñ eñbegі men erlіgіne oray qalağa Elbasınıñ esіmіn berwdі bastapqıdan quptağan edіm. Sol üşіn talay jaysız sözderdі estіgen bolatınmın. Negіzі, osı mäselede ädіl şeşіm qabıldanıp, keşe Parlament tïіstі qujattı bekіttі. Elorda Elbasınıñ esіmіmen atalğanına men qwanıştımın», - dedі Q. Sultanov.





Parlament Mäjіlіsіnіñ tağı bіr depwtatı Bekbolat Tіlewxan da 20 nawrız künі Qazaqstanda tarïxï ädіl şeşіm jasalğanın jäne osılay bolwı kerektіgіn jetkіzdі. 

«Öytkenі, Täwelsіz Qazaqstannıñ jolı Nursultan Äbіşulınıñ esіmіmen tığız baylanıstı. Tïіstі qabıldanğan şeşіmge toqtalsaq, munday jağday älemdіk täjіrïbede bar», - dedі depwtat elordadağı Nawrız merekesіn toylaw şarasında.





Osı orayda B. Tіlewxan AQŞ-tıñ negіzіn salğan Djordj Vaşïngton esіmіne kezіnde layıqtı bağa berіlgenіn atap öttі.

«Sondıqtan Nazarbaevtıñ esіmіn ulıqtaw - ol Täwelsіzdіktіñ qadіrіn bіlw degen söz. Bul turğıda men osınday pіkіrdі ustanıp turmın», - dedі depwtat.

 

 

Joğarı qaray