Awa rayı
Astana -9 °S
Almatı 2 °S
valyuta bağamı
USD 375.90
EUR 426.65
RUB 5.82
CNY 55.99

Elbası: Ükіmet otstavkağa ketwі kerek dep sanaymın

2019 jıldıñ 21 aqpan 2019 19:05 1930

ASTANA. QazAqparat - QR Prezïdentі Nursultan Nazarbaev mälіmdeme jasadı, dep xabarlaydı QazAqparat Aqordanıñ baspasöz qızmetіne sіlteme jasap.

Memleket basşısınıñ mälіmdemesі

Qurmettі qazaqstandıqtar!

Men bügіn elіmіz üşіn mañızdı şeşіm qabıldağalı otırmın.

Ötken jıldardağı älewmettіk-ekonomïkalıq axwal turaqtı boldı.

Bul - ärïne, jaqsı kezeñ.

Bіraq, bul qazіrgі waqıt talabı üşіn jetkіlіksіz.

Men usınğan Üşіnşі jañğırw jäne «100 naqtı qadam - Ult josparı» qurılımdıq reformalardı jedel jüzege asırwğa bağıttaldı.

Bes ïnstïtwcïonaldıq reformanıñ tolıq іske asırılwı şağın jäne orta bïznestіñ ülesіn tübegeylі arttırwğa jäne ekonomïkadağı memlekettіk sektordıñ ülesіn azaytwğa, bankterdі «tazartwğa», sottarğa jäne quqıq qorğaw jüyesіne degen senіmdі arttırwğa tïіs.

Qabıldanğan zañdarğa, Ükіmet şeşіmderіne qaramastan, ekonomïkanıñ köptegen bağıttarı boyınşa oñ özgerіsterge qol jetkіzіlmedі.

Іşkі jalpı önіm negіzіnen şïkіzat reswrstarı esebіnen östі.

Bіraq, Ükіmet pen Ulttıq bank el ekonomïkasın sapalı damıtwğa serpіn beretіn naqtı quraldardı tolıqqandı jasap şığara almadı.

Memlekettіk bağdarlamalardı jüzege asırw barısına jasalğan taldaw qorıtındısı olardıñ orındalıp jatqanın körsetkenіmen, köptegen mañızdı bağıttar boyınşa naqtı nätïjelerdіñ joq ekenіn añğarttı.

Önіmdі jumıs orındarı jetkіlіktі türde aşılmay otır. Bul äsіrese awıldıq jerlerge qatıstı. Şağın jäne orta bïznes ösіmnіñ qozğawşı küşіne jäne onı damıtw іsі äkіmder men mïnïstrlerdіñ negіzgі mіndetіne aynalmadı.

Men turğındardıñ tabısı men turmıs sapası ärbіr Ükіmet müşesі men ärbіr äkіmnіñ jumısındağı negіzgі basımdıq bolw kerek dep bіrneşe ret ayttım.

Ekі jıl burın bіz konstïtwcïyalıq reforma jürgіzdіk. Osığan oray Ükіmet äkіmdermen bіrge älewmettіk-ekonomïkalıq mäselelerdі şeşіp, oğan jawap berw üşіn barlıq tïіstі ökіlettіk pen derbestіkke ïe boldı.

Ïndwstrïaldı, älewmettіk, ïnfraqurılımdıq damw, densawlıq saqtaw jäne bіlіm berw salaların damıtwğa qatıstı barlıq qajettі memlekettіk bağdarlamalar qabıldandı. Olardı jüzege asırw üşіn qajettі qarjı bölіndі.

Degenmen, jüyelі jumıs jürgіzіlmedі. Turğındardıñ naqtı tabısı öspedі. Otbasılardıñ byudjetіnde azıq-tülіkke degen şığın kölemі arta tüstі.

Atqarwşı organdardıñ salğırttığınan älewmettіk turğıdan az qamtılğan turğındardıñ bіr bölіgі atawlı älewmettіk kömekpen qamtılmağan.

Onıñ üstіne Ükіmet müşelerі, mïnïstrler, äkіmder xalıqpen jumıs іstey almadı, sonday-aq jurtşılıqtıñ problemalarına qulaq asıp, atqarılıp jatqan іster men sayasattı tüsіndіrw jumıstarın jürgіzwge şaması kelmedі.

Bul rette, men el Prezïdentі ärі Konstïtwcïyanıñ kepіlі retіnde xalıqtıñ müddesіn eskere otırıp, mınaday şeşіm qabıldadım.

Ükіmet otstavkağa ketwge tïіs dep sanaymın.

Ükіmettіñ jaña basşılığı ömіr sürw deñgeyіn arttırw, ekonomïkanı ıntalandırw, strategïyalıq mіndetterdі jüzege asırw jönіnde naqtı şaralar äzіrlewge tïіs.

Men «Nur Otan» partïyasınıñ jaqında ötetіn sezіnde älewmettіk qoldawdı küşeytwge jäne azamattardıñ turmıs sapasın arttırwğa arnalğan bіrqatar şaralar usınamın. Buğan byudjetten jäne Ulttıq qordan qomaqtı qarjı bölіnetіn boladı.

Bul qarajat mınaday mіndetterdі şeşwge bağıttaladı:

1. Az qamtılğan azamattarğa älewmettіk qoldaw körsetw іsіn küşeytw.

2. Xalıqtıñ älewmettіk turğıdan älsіz toptarınıñ baspana jağdayın jaqsartw mümkіndіkterіn arttırw.

3. Öñіrlerdі damıtw sayasatın tübegeylі özgertw.

Ükіmet pen barlıq deñgeydegі äkіmderdіñ jumısı osı mіndetterdі jüzege asırwğa bağıttalwı tïіs.

Ükіmet pen öñіrlerdіñ ïelіgіndegі qarajat közdelgen maqsatqa say jumsalmay otır. Munıñ bärіne baqılaw ornatıladı. Osı bağıttar jönіnde «Nur Otan» partïyasınıñ sezіnde tolığıraq aytılatın boladı.

Joğarı qaray