Aýa raıy
Astana 17 °S
Almaty 27 °S
valıýta baǵamy
USD 384.06
EUR 429.19
RUB 6.08
CNY 55.83

Elbasy: Úkimet otstavkaǵa ketýi kerek dep sanaımyn

2019 jyldyń 21 aqpan 2019 19:05 3189

ASTANA. QazAqparat - QR Prezıdenti Nursultan Nazarbaev málimdeme jasady, dep habarlaıdy QazAqparat Aqordanyń baspasóz qyzmetine silteme jasap.

Memleket basshysynyń málimdemesi

Qurmetti qazaqstandyqtar!

Men búgin elimiz úshin mańyzdy sheshim qabyldaǵaly otyrmyn.

Ótken jyldardaǵy áleýmettik-ekonomıkalyq ahýal turaqty boldy.

Bul - árıne, jaqsy kezeń.

Biraq, bul qazirgi ýaqyt talaby úshin jetkiliksiz.

Men usynǵan Úshinshi jańǵyrý jáne «100 naqty qadam - Ult jospary» qurylymdyq reformalardy jedel júzege asyrýǵa baǵyttaldy.

Bes ınstıtýtsıonaldyq reformanyń tolyq iske asyrylýy shaǵyn jáne orta bıznestiń úlesin túbegeıli arttyrýǵa jáne ekonomıkadaǵy memlekettik sektordyń úlesin azaıtýǵa, bankterdi «tazartýǵa», sottarǵa jáne quqyq qorǵaý júıesine degen senimdi arttyrýǵa tıis.

Qabyldanǵan zańdarǵa, Úkimet sheshimderine qaramastan, ekonomıkanyń kóptegen baǵyttary boıynsha oń ózgeristerge qol jetkizilmedi.

Іshki jalpy ónim negizinen shıkizat resýrstary esebinen ósti.

Biraq, Úkimet pen Ulttyq bank el ekonomıkasyn sapaly damytýǵa serpin beretin naqty quraldardy tolyqqandy jasap shyǵara almady.

Memlekettik baǵdarlamalardy júzege asyrý barysyna jasalǵan taldaý qorytyndysy olardyń oryndalyp jatqanyn kórsetkenimen, kóptegen mańyzdy baǵyttar boıynsha naqty nátıjelerdiń joq ekenin ańǵartty.

Ónimdi jumys oryndary jetkilikti túrde ashylmaı otyr. Bul ásirese aýyldyq jerlerge qatysty. Shaǵyn jáne orta bıznes ósimniń qozǵaýshy kúshine jáne ony damytý isi ákimder men mınıstrlerdiń negizgi mindetine aınalmady.

Men turǵyndardyń tabysy men turmys sapasy árbir Úkimet múshesi men árbir ákimniń jumysyndaǵy negizgi basymdyq bolý kerek dep birneshe ret aıttym.

Eki jyl buryn biz konstıtýtsııalyq reforma júrgizdik. Osyǵan oraı Úkimet ákimdermen birge áleýmettik-ekonomıkalyq máselelerdi sheship, oǵan jaýap berý úshin barlyq tıisti ókilettik pen derbestikke ıe boldy.

Indýstrıaldy, áleýmettik, ınfraqurylymdyq damý, densaýlyq saqtaý jáne bilim berý salalaryn damytýǵa qatysty barlyq qajetti memlekettik baǵdarlamalar qabyldandy. Olardy júzege asyrý úshin qajetti qarjy bólindi.

Degenmen, júıeli jumys júrgizilmedi. Turǵyndardyń naqty tabysy óspedi. Otbasylardyń bıýdjetinde azyq-túlikke degen shyǵyn kólemi arta tústi.

Atqarýshy organdardyń salǵyrttyǵynan áleýmettik turǵydan az qamtylǵan turǵyndardyń bir bóligi ataýly áleýmettik kómekpen qamtylmaǵan.

Onyń ústine Úkimet músheleri, mınıstrler, ákimder halyqpen jumys isteı almady, sondaı-aq jurtshylyqtyń problemalaryna qulaq asyp, atqarylyp jatqan ister men saıasatty túsindirý jumystaryn júrgizýge shamasy kelmedi.

Bul rette, men el Prezıdenti ári Konstıtýtsııanyń kepili retinde halyqtyń múddesin eskere otyryp, mynadaı sheshim qabyldadym.

Úkimet otstavkaǵa ketýge tıis dep sanaımyn.

Úkimettiń jańa basshylyǵy ómir súrý deńgeıin arttyrý, ekonomıkany yntalandyrý, strategııalyq mindetterdi júzege asyrý jóninde naqty sharalar ázirleýge tıis.

Men «Nur Otan» partııasynyń jaqynda ótetin sezinde áleýmettik qoldaýdy kúsheıtýge jáne azamattardyń turmys sapasyn arttyrýǵa arnalǵan birqatar sharalar usynamyn. Buǵan bıýdjetten jáne Ulttyq qordan qomaqty qarjy bólinetin bolady.

Bul qarajat mynadaı mindetterdi sheshýge baǵyttalady:

1. Az qamtylǵan azamattarǵa áleýmettik qoldaý kórsetý isin kúsheıtý.

2. Halyqtyń áleýmettik turǵydan álsiz toptarynyń baspana jaǵdaıyn jaqsartý múmkindikterin arttyrý.

3. Óńirlerdi damytý saıasatyn túbegeıli ózgertý.

Úkimet pen barlyq deńgeıdegi ákimderdiń jumysy osy mindetterdi júzege asyrýǵa baǵyttalýy tıis.

Úkimet pen óńirlerdiń ıeligindegi qarajat kózdelgen maqsatqa saı jumsalmaı otyr. Munyń bárine baqylaý ornatylady. Osy baǵyttar jóninde «Nur Otan» partııasynyń sezinde tolyǵyraq aıtylatyn bolady.

Joǵary qaraı