Awa rayı
Astana -3 °S
Almatı -1 °S
valyuta bağamı
USD 332.21
EUR 391.74
RUB 5.57
CNY 50.08

Elbası astıq jïnaw nawqanın ayaqtağan eñbekkerlerdі quttıqtadı

2017 jıldıñ 17 qazan 2017 18:05 695

ASTANA. QazAqparat - Memleket basşısı Nursultan Nazarbaev astıq jïnaw nawqanınıñ tabıstı ayaqtalwına baylanıstı eñbekkerlerge quttıqtaw joldadı, dep xabarlaydı Aqordanıñ baspasöz qızmetі.

"Astıq jïnaw - dïqandar üşіn ğana emes, bükіl elіmіz üşіn aytwlı nawqannıñ bіrі. Egіn orw nätïjelerі memlekettegі azıq-tülіk qawіpsіzdіgі deñgeyіn jäne qoğamdağı älewmettіk-ekonomïkalıq turaqtılıqtı ayqındaydı. Sіzderdіñ mañday terlerіñіzdіñ arqasında Qazaqstan özіnіñ jetekşі astıq derjavası ekenіn tağı da däleldedі.

21 mïllïon tonnadan asa astıq jïnaldı. Sonıñ üşten ekіsіnen astamı älemdіk standarttarğa say keletіn joğarı sapalı önіmge jatadı. Maylı daqıldar egіletіn egіstіk alqabı aytarlıqtay köbeydі. Jalpı, astıq jïnaw nawqanınıñ qorıtındısı elіmіzdіñ agroönerkäsіp keşenіnіñ älewetі zor ekenіn körsetіp otır.

Bügіnde memleket awıl şarwaşılığı salasın jüyelі türde jetіldіrwge jäne ärtaraptandırwğa bağıttalğan sayasat jürgіzwde. Onı ärі qaray іlgerіletwdіñ mañızdı şartı - qayta öñdelgen önіm şığarwğa köşw. Qazaqstan älemdegі eksporttıq awıl şarwaşılığı önіmderіn şığaratın іrі eldіñ bіrі bolwğa tïіs.  

Bіz xalqımızdıñ äl-awqatın jaqsartw jolındağı awıl eñbekkerlerіnіñ eñbegіn joğarı bağalaymız. Sіzderdі egіn orw nawqanınıñ tabıstı ayaqtalwımen quttıqtaymın! Barşañızğa zor densawlıq jäne Otanımızdı odan ärі örkendetw jolında tolağay tabıs tіleymіn!", - delіngen  Elbasınıñ quttıqtawında.

 

Bastı sözder: Qazaqstan Prezïdentі,

Pіkіr qaldırw

Joğarı qaray