Aýa raıy
Astana 10 °S
Almaty 14 °S
valıýta baǵamy
USD 389.62
EUR 429.98
RUB 6.06
CNY 55.08

Dzıýdodan álem chempıonatynda qazaq sportshysy júlde aldy

2018 jyldyń 19 qazan 2018 09:26

ASTANA. QazAqparat - Nassaýdada (Bagama araldary) dzıýdodan jastar arasynda ótip jatqan álem chempıonatynda qazaqstandyq dzıýdoshy Janbolat Baǵtbergenov qola júldeger atandy, dep habarlaıdy QazAqparat.

QR Dzıýdo federatsııasynyń baspasóz qyzmeti málim etkendeı, 73 kelige deıingi salmaqta beldesken balýanymyz jubanysh beldesýinde reseılik Devıd Gamasovty vazarı upaıymen utty.

Janbolat álem chempıonatynda jalpy 6 kezdesý ótkizip, onyń 5-eýin jeńispen aıaqtady. Іrikteý kezeńinde alǵashqy qarsylasy Lı Ýok Ýındi (Gonkong) vazarımen, keıin kolýmbııalyq Leıdar Navarro men tájikstandyq Somon Mahmadbekovty ıppon upaıymen jeńdi.

Al shırek fınalda túrik balýany Bılal Gıloglýǵa utylǵannan keıin Janbolatqa jubanysh beldesýinde kúresýge múmkindik berildi. Jubanysh beldesýinde birinshi belgııalyq Malık Abdýl Ýmaevtan, sheshýshi kezeńde reseılik jas dzıýdoshy Devıd Gamosovtan vazarı upaıyn enshiledi.

Nátıjesinde, Janbolat Baǵtbergenov Nassaýda dzıýdodan jastar arasynda ótip jatqan álem chempıonatynda Qazaqstan qorjynyna alǵashqy júldeni saldy. Jyldyń eń mańyzdy dodasy sanalatyn álem birinshiligine álemniń 67 elinen 426 jas tatamı sheberi qatysyp jatyr. Jarys 21-qazanǵa deıin jalǵasady.

Avtor Kúnsultan Otarbaı
Basty sózder: Sport,
Joǵary qaraı