Aýa raıy
Astana 25 °S
Almaty 28 °S
valıýta baǵamy
USD 386.80
EUR 429.27
RUB 5.78
CNY 54.89

Notice: Undefined offset: 1 in /home/admin/web/lenta.inform.kz/public_html/application/views/Lenta/article.php on line 13

Dzıýdo: Qazaqstan quramasy Gran-prı týrnırin bir altyn, bir kúmispen aıaqtady

2019 jyldyń 15 shilde 2019 00:25 200

NUR-SULTAN. QazAqparat – Qazaqstan quramasy Býdapeshtegi dzıýdodan Gran-prı týrnırin bir altyn, bir kúmis júldemen aıaqtady, dep habarlaıdy QazAqparat tilshisi.

Jarystyń sońǵy, jeksenbi kúni 90 kelige deıingi salmaqta kúresken Islam Bozbaevtyń júlde alatyn múmkindigi boldy.

Qazaqstandyq dzıýdoshy jartylaı fınalǵa deıin tamasha kúresip, Maks Steýart (Ulybrıtanııa), Tots Apor (Vengrııa), Itaı Golan (Izraıl) jáne Aleksandar Kýkoljdy (Serbııa) joldan taıdyrdy.

Jartylaı fınalda álem chempıony, ıspanııalyq Nıkoloz Sherazadıshvılıge ese jiberdi.

Qola júlde úshin básekede I.Bozbaev grýzııalyq Beka Gvınashvılımen tatamıge shyqty. Beldesý barysynda grýzııalyq sportshy vazarı upaıymen alǵa shyqty. Sodan keıin de Islam belsendilik tanyta almady. Aqyry úshinshi eskertý alyp, jeńilip qaldy.

Eske sala keteıik, budan buryn Eldos Smetovtiń altyn alǵanyn, al Eldos Jumaqanovtyń kúmis júldeger atanǵanyn jazǵan bolatynbyz.

Avtor Eljan Eraly
Basty sózder: Sport,
Joǵary qaraı