Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Dıvızıon komandıriniń alaıaqtyq qylmysy áshkere boldy

2019 jyldyń 18 sáýir 2019 14:46

NUR-SULTAN. QazAqparat - Jambyl oblysynda dıvızıon komandıri alaıaqtyq faktisimen ustaldy. Bul týraly búgin QR Memlekettik qyzmet isteri jáne sybaılas jemqorlyqqa qarsy is-qımyl agenttigi Qoǵammen baılanys departamentiniń dırektory Arman Berdalın aıtty, dep habarlaıdy QazAqparat tilshisi.

«Sybaılas jemqorlyqqa qarsy is-qımyl ulttyq bıýrosynyń Jambyl oblystyq departamenti QR Ulttyq qaýipsizdik komıteti Áskerı qarsy barlaý basqarmasynyń «Ońtústik» óńirlik qolbasshylyǵymen birlesip, oblystaǵy áskerı bólimniń ekinshi dıvızıon komandıri men eki azamattyń alaıaqtyq faktisin anyqtady», - dedi Arman Berdalın.

Onyń dereginshe, kúdiktiler QR Qylmystyq kodeksiniń 451-baby, 1-bóligi boıynsha qozǵalǵan qylmystyq iste oń sheshimge járdemdesý úshin osy áskerı bólimniń batareıa komandırin aldaý jáne senimin teris paıdalaný arqyly aldyn ala kelisilgen 5 mln teńge paranyń 1,7 mln teńgesin ıemdengen.

«Kinásin tolyq moıyndaýyna baılanysty komandırge qatysty protsestik ustaý qoldanylǵan joq. Kúdikti eki tulǵaǵa qatysty kúzetpen ustaý túrindegi bultartpaý sharasy qabyldandy», - dedi departament basshysy.

Joǵary qaraı