Aýa raıy
Astana 22 °S
Almaty 26 °S
valıýta baǵamy
USD 386.04
EUR 427.77
RUB 5.88
CNY 54.45

Dımash pen Danelııa búkil álemdi tańǵaldyrdy - Arystanbek Muhamedıuly

2019 jyldyń 21 aqpan 2019 17:26 1596

ASTANA. QazAqparat - Mádenıet jáne sport mınıstri Arystanbek Muhamedıuly Amerıkanyń The World's Vest baıqaýynda Qazaqstan atynan óner kórsetip jatqan Dımash Qudaıbergen men Danelııa Tóleshovany kelesi kezeńge ótýimen quttyqtady, dep habarlaıdy QazAqparat tilshisi.

«Qurmetti Dımash jáne Danelııa! The World's Vest baıqaýynda el namysyn qorǵap, baıqaýdyń eń qıyn kezeńinen jeńispen ótýlerińizben shyn júrekten quttyqtaımyn! Sizder óz talanttaryńyzben búkil álemdi tańǵaldyrdyńyzdar. Qazaqstannyń búgingi ıgiligi men jarqyn bolashaǵy jolynda atqaryp jatqan jaýapty qyzmetterińiz úshin alǵys, tolaǵaı tabysqa jetýlerińizge tilektespin. Alǵa qoıǵan maqsattaryńyz oryndalsyn. Osy sátti paıdalana otyryp, Sizderge zor densaýlyq, baqyt pen qut-bereke jáne shyǵarmashylyq tabys tileımin. Alǵa, Dımash! Alǵa, Danelııa!», - dep jazdy mınıstr feısbýktegi paraqshasynda.

Eske sala ketsek, búgin Amerıkanyń The World's Vest baıqaýynda Qazaqstan atynan óner kórsetip jatqan Dımash Qudaıbergen men Danelııa Tóleshovanyń óner kórsetken vıdeosy jarııalanǵan bolatyn. «The World's Vest» baıqaýynyń Instagram paraqshasynda jarııalanǵandaı, Dımash All by Myself ánin oryndady. Aıta keterligi, ánshi osy ándi Qytaıda ótken «Men ánshimin» baıqaýynda da shyrqaǵan edi.

Al Danelııa Tóleshova ekinshi týrda Ýkraınadaǵy «Golos. Detı» baıqaýynyń alǵashqy kezeńinde oryndaǵan «Stone Cold» ánin naqyshyna keltire shyrqap, upaı sany boıynsha qarsylasynan basym tústi. Otandastarymyzdyń ekeýi de úshinshi týrǵa ótti.

 

 

 

Joǵary qaraı