Aýa raıy
Astana 11 °S
Almaty 12 °S
valıýta baǵamy
USD 389.59
EUR 429.06
RUB 6.05
CNY 55.07

Dımash Máskeýdegi kontsertinde álem jurtshylyǵyn tamsantty

2019 jyldyń 23 naýryz 2019 11:33

ASTANA. QazAqparat - Keshe Máskeýdegi Kreml saraıynda Dımash Qudaıbergenniń birinshi jeke kontserti ótti, dep habarlaıdy QazAqparat tilshisi.

Qazaqstan ánshisiniń úsh saǵatqa jýyq ýaqytqa sozylǵan jeke kontserti ótken saraıda ıne shanshar oryn bolǵan joq. Bıletter satylymǵa túsken alǵashqy kúnderde-aq ótip ketken bolatyn. Qazirgi ýaqytta áleýmettik jelide Dımash kontsertiniń vıdeosy júktelgen.

Máskeýdegi kontsertke Dımashtyń shyǵarmashylyǵyna shynaıy berilgen álemniń 50-den astam elinen jankúıerler kelgen. Qurmetti qonaqtar arasynda ánshiniń ata-anasy, Qazaqstannyń Reseıdegi Elshisi, Qazaqstannyń Mádenıet jáne sport mınıstri, Reseı Premer-Mınıstriniń jubaıy, estrada juldyzdary jáne ózge de bedeldi azamattar bolǵan.

Dımashtyń ár áni aıaqtalǵan saıyn jankúıerlerdiń « Dımash! » , « Jaraısyń! » degen daýystardan zal jańǵyryp turdy. Ásirese, qytaılyq ónersúıer qaýymnyń « Dımashı » , « Sheshe » degen aıqa ıynan qulaq tunady.

« Dımash « Mahabbat ber maǵan » ánin oryndaǵan sátte qolsham jaryǵymen alqyzyl júrek ustaǵan myńdaǵan qoldyń kóterilýi - erekshe jarqyn, este qalar sátterdiń birine aınaldy. Kelesi fleshmob qazaq áni oryndalǵan sátte boldy. Barlyq kórermen bir mezette Qazaqstannyń týyn kóterdi. Al sońǵy «Stand up!» áni oryndalǵan kezde búkil zaldaǵy kórermen tik turyp qoshemet kórsetti » , - dep jazady Dımashtyń fan-paraqshalarynyń birinde.

Qazaqstandyq ánshi Dımash Qudaıbergenniń kontsertinen bir kún buryn álemniń 56 elinen 400-den astam jankúıer Máskeýde «pre-party»-de bas qosqan edi.

Joǵary qaraı