Aýa raıy
Astana 22 °S
Almaty 26 °S
valıýta baǵamy
USD 386.04
EUR 427.77
RUB 5.88
CNY 54.45

Denıs Ten týraly derekti fılm prokatqa shyǵady

2019 jyldyń 21 aqpan 2019 21:34 1860

ALMATY. QazAqparat - Almatyda 23 aqpannan bastap mánerlep syrǵanaýshy Denıs Ten týraly «Denıs Ten - Velıchaıshee shoý» atty derekti fılm kórsetile bastaıdy, dep habarlaıdy QazAqparat tilshisi.

Fılm Denıstiń tórtinshi ári sońǵy «Denıs jáne onyń dostary» atty muz aıdynyndaǵy shoýyna daıyndyq týraly baıandaıdy. Shara 2018 jyly 9 maýsymda elordadaǵy «Barys Arenada» ótkizilgen bolatyn.

«Bul Qazaqstandaǵy álemdik deńgeıdegi tuńǵysh ári biregeı muz aıdynyndaǵy shoý. Shoýǵa qatysý úshin álemniń túkpir-túkpirinen juldyzdar kelgen edi. Denıstiń basty maqsaty - Qazaqstanda mánerlep syrǵanaý sportyn damytý, bizdiń halyqqa álemdik deńgeıdegi ónerdi kórsetip, olardy qanattandyrý boldy», - deıdi Denıs Ten atyndaǵy qordyń atqarýshy dırektory Gaýhar Omar.

Onyń aıtýyna qaraǵanda, Denıs atalmysh jobasyna úlken daıyndyqpen kelip, uzaq ýaqyt boıy daıarlyq júrgizgen. Dostaryn ózi shaqyryp, olarǵa beriletin syılyqtardy da ózi daıyndaǵan.

«Shoýdyń aqtyq kezeńinde álemniń eń úzdik juldyzdary qazaqtyń ulttyq kıimderimen óner kórsetken edi. Mundaı biregeı shoý buryn-sońdy bizdiń elimizde bolmaǵan. Keremet shoý uıymdastyrylǵan edi», - deıdi Gaýhar Omar.

«Denıs Ten - velıchaıshee shoý» fılminde Denıstiń óziniń Nabýnarı Oda, Elena Radıonova, Karolına Kostner, Brýno Masso men Alena Savchenkodan alǵan suhbatyn kórýge bolady. Olar Qazaqstan týraly áserin baıandaıdy. Fılmniń epızodtarynda Denıs úshin arnaıy án jazǵan qazaq ánshisi Dımash Qudaıbergendi de kórýge bolady.

Sońǵy shoýdy ázirleýde Denıspen birge jas rejısser, montajer ári operator Hanzat Keńes te jumys istegen. Al horeograf retinde kanadalyq mánerlep syrǵanaýshy She Lınn-Býrn kómektesti. Túsirilim jumystary kanadalyq Toronto qalasynda da júrgizilgen.

Fılmde sonymen birge Denıs el úshin ózi uıymdastyrǵan shoýdyń qanshalyqty mańyzdy ekenin de aıtady.

«Bul shoýdyń ózi qulap bara jatqan juldyz sekildi jarqyn ári keremet bolǵanyn qalaımyn», - deıdi Denıs fılmde.

Aıta keterligi, Denıs Ten qorynyń uıymdastyrylýymen derekti fılm Almatydaǵy «Bekmambetov Cinema»-da 3 naýryz kúni kórsetiledi.

Eske salsaq, qazaqstandyq mánerlep syrǵanaýshy Denıs Ten 19 shilde kúni pyshaq jaraqatynan qaza bolǵan edi. Oqıǵa Qurmanǵazy men Baıseıitova kósheleriniń qıylysynda 19 shildede túski saǵat 15:00-der shamasynda bolǵan.



null 

null 

 

 

Avtor Aıan Bekenuly
Basty sózder: Mádenıet, Sport, Almaty,
Joǵary qaraı