Aýa raıy
Astana 6 °S
Almaty 8 °S
valıýta baǵamy
USD 389.98
EUR 434.01
RUB 6.10
CNY 55.04

Deldaldardyń kózin joıý kerek - Dáýren Abaev

2019 jyldyń 20 aqpan 2019 16:21

ASTANA. QazAqparat - QR Aqparat jáne kommýnıkatsııalar mınıstri Dáýren Abaev memlekettik qyzmetter salasynda deldaldarmen kúresti kúsheıtýdi tapsyrdy, dep xabarlaıdy QazAqparat tilshisi.

«Azamattarǵa arnalǵan úkimet» memlekettik korporatsııasy jemqorlyqqa qarsy jumysty kúsheıtýi tıis. Máselen, memlekettik korporatsııaǵa múldem qatysy joq keı adamdar ońaı oljanyń túrli tásilderin oılap tapqan. Olar qyzmet túrlerin ózderi alyp úırenbegen azamattarǵa kómektesken bolyp, sol úshin aqsha alady. Sondyqtan, memlekettik korporatsııa osyndaı deldaldardyń jumysyn der kezinde anyqtap, dereý joıýy qajet» , - dedi D.Abaev mınıstrliktiń alqa májilisinde.

Aıta keteıik, jaqynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi kólik qujattaryn rásimdegende alaıaqtarǵa aldanbaýǵa keńes bergen edi. Agenttiktiń memlekettik qyzmetter departamentiniń dırektory Ildar Úısimbaevtyń aıtýynsha, mamandyrylǵan xalyqqa qyzmet kórsetý ortalyqtarynda júretin deldaldar xalyqtyń saýatsyzdyǵyn paıdalanyp jatady.

«Olar xalyqty ashyq aldaıdy. Mysaly, bir adamǵa keledi de, kólikti tirkeýge qoıýdy, ıa bolmasa, tirkeýden alýdy jyldam istep bere alamyn deıdi. Bir-bir jarym saǵattyń ishinde daıyn bolady dep sendiredi. Negizi, atalǵan memlekettik qyzmet týra sol ýaqytta - bir saǵattyń ishinde jasalady. Barlyq qujattar durys bolsa, operatorǵa tapsyrý qajet. Boldy. Eshqandaı deldal da kerek emes. Bir saǵattyń ishinde bári daıyn bolady. Al deldaldar xalyqtyń saýatsyzdyǵyn paıdalanyp, sony ózderi istegendeı bolady. Bylaısha aıtqanda, adammen birge otyryp kútedi. Sol úshin aqsha alyp ketedi», - dedi E.Úısimbaev Astanada ótken baspasóz máslıxatynda.

Onyń aıtýynsha, memlekettik nómirlerdiń arnaıy úlgilerine qatysty alaıaqtyq áreketter de kóp. Deldaldar arnaıy nómirdi alyp berýge kómektesemiz deıdi de, sol úshin aqy alady. Al onyń bárin elektrondy úkimet portalynda, sondaı-aq, mamandyrylǵan HQKO-nyń ózinde eshbir kedergisiz alýǵa bolady. «Azamattarǵa arnalǵan úkimet» memlekettik korporatsııasy tóraǵasynyń orynbasary Ásemgúl Baltashevanyń sózine qaraǵanda, ótken jyly respýblıka boıynsha ishki qaýipsizdik qyzmeti deldaldyqtyń 290 faktisin anyqtady.

«Biz sonyń bárin tirkep, tıisti quziretti organdarǵa jiberdik. Ákimshilik xattamalar rásimdeldi. Búginde ózin saqtandyrý agentimin dep tanystyratyn deldaldar kóp. Biraq saqtandyrýdyń ózin onlaın rejımde portaldan alýǵa bolady. Halyq kóp jaǵdaıda ony bilmeıdi de, deldaldarǵa aldanyp qalady», - dep atap kórsetti Á.Baltasheva.

Joǵary qaraı