Aýa raıy
Astana 16 °S
Almaty 25 °S
valıýta baǵamy
USD 384.52
EUR 431.32
RUB 6.10
CNY 55.89

Darıǵa Nazarbaeva jýrnalısterdi akkredıtatsııalaý erejesine qatysty pikir bildirdi

2019 jyldyń 21 aqpan 2019 13:50 1398

ASTANA. QazAqparat - QR Parlamenti Senatynyń depýtaty Darıǵa Nazarbaeva jýrnalısterdi akkredıtatsııalaý erejelerine túzetý engizý múmkindigine qatysty pikir bildirdi, dep habarlaıdy QazAqparat tilshisi.

«Tyńǵylyqty qarap shyqtym. Buqaralyq aqarat quraldaryndaǵy jaýaptardy, medıa qoǵamdastyqtyń jaýaptaryn da oqydym. Sonymen qatar, Aqparat jáne kommýnıkatsııalar mınıstrligi tarapynan aıtylǵan kózqarastan da habardar boldym. Meniń bilýimshe, osy taqyryp boıynsha Aqparat jáne kommýnıkatsııalar mınıstri kásibı qoǵamdastyqpen konsensýsqa qol jetkizilgen kezde ǵana buıyqqa tıisti mindetti túrde túzetýler engiziletinin aıtty», - dedi Darıǵa Nazarbaeva Senatta tilshilerdiń saýalyna jaýap bere otyryp.

Osy oraıda, senator jýrnalısterdi barlyq vedomstvolardyń normatıvtik-quqyqtyq qujattaryn belsendi túrde zertteýge shaqyrdy.

«Bul turǵyda eki úlken ońtaıly jaǵdaıdy baıqaýǵa bolady. Birinshiden, búginde onlaın-rejımde ınternette atqarýshy organdardyń normatıvtik-quqyqtyq aktileri jobalaryn kórýge bolady. Buryndary osyndaı múmkindik joq edi. Bul rette jýrnalıstik qoǵamdastyq vedomstvolarynyń atalǵan qujattaryn belsendi túrde zerttegeni durys bolar dep sanaımyn», - dedi D. Nazarbaeva.

Onyń sózine qaraǵanda, atalǵan máselede mámilege kelý kerek.

«Ekinshiden, búginde sizderde osynyń barlyǵyn talqylaýǵa, pikir almasýǵa, qarsylyq bildirýge múmkindikterińiz bar. Qazirgi kezde negizgi daýly máseleler boıynsha tıisti usynystar nazarǵa alyndy dep oılaımyn», - dedi senator.

Esterińizge sala keteıik, QR Aqparat jáne kommýnıkatsııalar mınıstri Dáýren Abaev jýrnalısterdi akkredıtatsııalaý erejelerin keńinen talqylaýǵa baılanysty vıtse-mınıstr Nurgúl Maýberlınovaǵa tapsyrma bergen edi. 

Aıta keteıik, osy aptadaǵy Úkimet otyrysynan keıin mınıstr jýrnalısterdi akkredıtatsııadan ótkizý jáne taqyryp boıynsha suraq qoıý máselesine qatysty pikir bildirgen bolatyn. 

Buǵan deıin jýrnalısterdi akkredıtatsııalaý erjelerine túzetýler jobasy jarııalanǵan edi.

 

 

Avtor Rýslan Ǵabbasov
Basty sózder: BAQ, Senat,
Joǵary qaraı