Aýa raıy
Astana 14 °S
Almaty 24 °S
valıýta baǵamy
USD 384.87
EUR 432.52
RUB 6.11
CNY 55.95

Darıǵa Nazarbaeva Japonııa elshisimen kezdesti

2019 jyldyń 18 maýsym 2019 19:02 652

NUR-SULTAN. QazAqparat - Parlament Senatynyń Tóraǵasy Darıǵa Nazarbaeva Japonııanyń Qazaqstandaǵy Elshisi Tatsýhıko Kasaıdi qabyldady. Bul týraly QazAqparat Senattyń baspasóz qyzmetine silteme jasap habarlaıdy.

Meımanmen kezdesý barysynda Senat basshysy Japonııa Imperatory Narýhıtonyń taqqa otyrýymen jáne «Reıva» dáýiriniń bastalýymen japon halqyn quttyqtady. «Reıva - úılesim tabý, ol búkil adamzattyń armany. Úılesim dáýiri jáne onyń kúsh-qýaty búkil álemge taralǵanyn qalar edim. Japonııa halqynyń tabysqa jetýine jáne órkendeýine tilektespin», - dedi D.Nazarbaeva.

null 

Senat basshysy Qazaqstannyń Tuńǵysh Prezıdenti - Elbasynyń 2016 jylǵy Japonııaǵa sapary týraly pikirlerimen bólisti jáne sol sapar barysynda «keńeıtilgen strategııalyq áriptestik» mártebesi bekitilgen jáne qabyldanǵan mańyzdy saıası qujattar Qazaqstan men Japonııa qarym-qatynastaryna jańa serpin beretinine senim bildirdi.

Taraptar sondaı-aq ekijaqty ózara is-qımyldaǵy ekonomıkalyq, gýmanıtarlyq jáne mádenı máselelerdi talqylady. Senat basshysy eko jáne etno týrızmniń erekshelikteri týraly aıta kelip japon týrısterin Qazaqstanǵa shaqyrdy. «Tikeleı áýe qatynasyn ashý japon týrısteriniń sanyn arttyrady dep úmittenemin. Sondaı-aq, bizdiń el týraly kóbirek habardar bolý úshin týrıstik agenttikterdiń qatysýymen birlesken konferentsııalar uıymdastyrý qajet», - dedi D.Nazarbaeva.

Japonııa elshisi Senat Tóraǵasyna óz josparlary týraly aıta kelip, Qazaqstanǵa ákelinetin japon ınvestıtsııasynyń kólemin arttyrý - basty mindetterdiń biri ekenin atap ótti. D.Nazarbaeva osyǵan baılanysty sheteldik ınvestorlardy qorǵaýdyń qolaıly tetikteri, jeńildetilgen salyq tártibi, aǵylshyn quqyǵy men táýelsiz qarjy sotynyń qaǵıdalaryna negizdelgen Nur-Sultandaǵy halyqaralyq qarjy ortalyǵynyń jumysy týraly jan-jaqty aıtyp berdi. «Shıkizat eksportynan alshaqtap, qosylǵan quny joǵary ónimdi qaıta óńdeýge umtylý qajet», - dedi Senat Tóraǵasy.

 

 

Basty sózder: QR SІM, Senat,
Joǵary qaraı