Aýa raıy
Astana 5 °S
Almaty 8 °S
valıýta baǵamy
USD 389.86
EUR 435.32
RUB 6.12
CNY 55.12

Darıǵa Nazarbaeva taýar eksportynda týyndaǵan máseleni kóterdi

2019 jyldyń 25 sáýir 2019 14:10

NUR-SULTAN. QazAqparat - Senat spıkeri Darıǵa Nazarbaeva taýardy eksportqa rásimdeý kezinde kásipkerler qısynsyz kedergilerge tap bolatynyn aıtty, dep habarlaıdy QazAqparat tilshisi.

Palatanyń jalpy otyrysy barysynda Senat spıkeri taýardy eksportqa shyǵarýdaǵy rásimder men qujattar tapsyrý sharalaryna qatysty túsinik berýdi surady.

Óz kezeginde QR Ulttyq ekonomıka mınıstri Rýslan Dálenov eksport úshin qujattardyń shaǵyn paketi ǵana usynylatynyn aıta kele, «Eger de reglamentteletin taýar bolsa, onda eksportqa ruqsatnama kerek. Al bul sanatqa kirmese, osy jaǵdaıda kelisimshart pen taýarǵa quqyq belgileýshi qujat, sondaı-aq eksporttaýshynyń JSN-ni men BSN-ni jetkilikti. Negizgi problema bizde ımporttaý kezinde oryn alady, kóptegen anyqtamalar suralady, ıaǵnı qaǵaz jumystar kóp. Bul jumystardy qazirgi kezde Qarjy mınıstrligi pysyqtap jatyr. Anyqtamalardy memorgandar bazalarynan alý múmkin bolýy úshin rásimderdi elektrondy túrge aýystyrý eskerilgen», - dedi.

Alaıda Darıǵa Nazarbaeva eksport boıynsha rásimderge kóp ýaqyt jumsalatyndyǵy týraly shaǵymdar bolǵanyn, eger de keıbir kedergiler oryn alsa, olardy jedel sheshý qajettigin atap ótti.

«Óndirýshilerden shaǵymdar boldy. Eger de taýar tez buzylatyn aýyl sharýashylyǵy ónimi bolsa, anyqtamany bergenshe bul ónimderdi eksporttaýdy úsh apta nemese bir aı boıy kútip tura almaıdy. Demek, problema bar. Atap aıtqanda, bizdiń ónim barynsha kóbirek eksportqa shyǵarylǵanyna múddelimiz. Bul jaıynda barlyq Joldaýlarda, memlekettik baǵdarlamalarda aıryqsha belgilengen. Sondyqtan bul turǵyda sizderge belsendi jumys atqarý qajettigi bar», - dedi Senat spıkeri mınıstrlik basshysyna qarata aıtqan sózinde.

Osy oraıda Rýslan Dálenov vedomstvo eksportty yntalandyrý kartasy ázirlep jatqanyn jetkizdi.

Avtor Rýslan Ǵabbasov
Basty sózder: Senat, Parlament, Ekonomıka,
Joǵary qaraı