Aýa raıy
Astana -6 °S
Almaty -2 °S
valıýta baǵamy
USD 389.34
EUR 428.78
RUB 6.05
CNY 55.45

Darıǵa Nazarbaeva Senat depýtaty bolyp qaıta taǵaıyndaldy

2019 jyldyń 12 tamyz 2019 18:10

NUR-SULTAN. QazAqparat – QR Prezıdentiniń Jarlyǵymen Darıǵa Nazarbaeva Senat depýtaty bolyp qaıta taǵaıyndaldy, dep habarlaıdy Aqordanyń baspasóz qyzmeti.

Darıǵa Nursultanqyzy Nazarbaeva 1963 jyly Qaraǵandy oblysynyń Temirtaý qalasynda týǵan. 1983 jyly M.V. Lomonosov atyndaǵy Máskeý memlekettik ýnıversıtetiniń tarıh fakýltetin, 1985 jyly S.M. Kırov atyndaǵy Qazaq memlekettik ýnıversıtetiniń tarıh fakýltetin bitirgen. 1985-1987 jyldary - M.V. Lomonosov atyndaǵy Máskeý memlekettik ýnıversıteti tarıh fakýltetiniń taǵylymdamadan ótýshi-zertteýshisi. 1987-1990 jyldary - M.V. Lomonosov atyndaǵy Máskeý memlekettik ýnıversıtetiniń aspıranty. Saıası ǵylymdar doktory, tarıh ǵylymdarynyń kandıdaty. 1992-1994 jyldary - «Bóbek» balalar qaıyrymdylyq qorynyń vıtse-prezıdenti. 1994-1995 jyldary - «Qazaqstan teledıdary men radıosy» respýblıkalyq korporatsııasynyń vıtse-prezıdenti, «Habar» Ulttyq televızııalyq aqparattyq agenttiginiń dırektory. 1995-1998 jyldary - «Habar» Agenttigi» respýblıkalyq memlekettik kásipornynyń bas dırektory. 1998-2001 jyldary - «Habar» agenttigi» JAQ-nyń prezıdenti. 2001-2004 jyldary - «Habar» agenttigi» JAQ-nyń dırektorlar keńesiniń tóraıymy. 2004-2007 jyldary - ІІІ saılanǵan Qazaqstan Respýblıkasy Parlamenti Májilisiniń Respýblıkalyq «Asar» partııasynyń tizimi boıynsha saılanǵan depýtaty, «Aımaq» depýtattyq tobynyń jetekshisi. 2007-2012 jyldary - «Qazaqstan Respýblıkasy Tuńǵysh Prezıdenti Qory» qoǵamdyq qorynyń dırektory. 2012-2014 jyldary Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń tóraıymy. 2014-2015 jyldary - QR Parlamenti Májilisi tóraǵasynyń orynbasary. 2015 jylǵy qyrkúıekten QR Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń tóraıymy boldy. 2019 jyldyń naýryzynan QR Parlamenti Senatynyń tóraǵasy boldy.

«Nur Otan» HDP saıası keńesiniń múshesi. 2001 jyldan bastap Eýrazııalyq medıa forýmynyń uıymdastyrýshysy jáne uıymdastyrý komıtetiniń tóraıymy. «Qurmet», «Parasat» ordenimen jáne Frantsııa Respýblıkasynyń Ádebıet jáne óner ordenimen marapattalǵan. Aǵylshyn, ıtalıan, nemis tilderin meńgergen.

Avtor Baqytjan Serikuly
Basty sózder: Taǵaıyndaý, Senat, Parlament,
Joǵary qaraı