Awa rayı
Nur-Sultan 11 °S
Almatı 24 °S
valyuta bağamı
USD 383.43
EUR 429.83
RUB 5.96
CNY 55.39

Danïyar Elewsіnovtіñ jekpe-jegі tіkeley efïrde körsetіledі

2019 jıldıñ 23 mamır 2019 10:21 807

NUR-SULTAN. QazAqparat - «Xabar» arnası 25 mamırda AQŞ-ta ötetіn käsіpqoy boksşı Danïyar Elewsіnovtіñ jekpe-jegіn tіkeley efïrden körsetedі, dep xabarlaydı QazAqparat tіlşіsі.

Jekpe-jek Merïlend ştatınıñ Okson-Xïll qalasına ötedі. Elorda waqıtı boyınşa ayqas waqıtı 26 mamırdıñ tañerteñgі waqıtına döp kelіp tur.

Ayta ketsek, Danïyar Elewsіnov (6-0, 3 KO) Golovkïn-Rolls jekpe-jegіnіñ anderkartında şığwı kerek edі.  Alayda keyіn boksşınıñ menedjerі Zïya Älïev Elewsіnovtіñ 8 mawsımdağı Golovkïn-Rolls anderkardındağı jekpe-jegі belgіsіz sebepterge baylanıstı bolmaytının jetkіzgen. 

Keyіn bul mäselege qatıstı QR Käsіpqoy boks federacïyasınıñ vïce-prezïdentі Vïktor Demyanenko pіkіr bіldіrіp, Golovkïn men Elewsіnov arasında qanday da bіr tüsіnbewşіlіk bar degenge senbeytіnіn aytqan bolatın.

Osı jağdayğa baylanıstı Danïyar Elewsіnov 25 mamırda ötetіn jekpe-jegіne qarsılas іzdep jatqan edі. Respwblïkalıq bіrqatar BAQ közderіnіñ xabarlawınşa, Elewsіnov meksïkalıq Mïgel De Xesws Zamwdïo Alonso (43-12-1, 27 KO) qarsı ayqasqa şığadı.

Avtor: Ayan Bekenulı
Bastı sözder: Sport, Boks,
Joğarı qaray