Aýa raıy
Astana 17 °S
Almaty 17 °S
valıýta baǵamy
USD 386.80
EUR 429.27
RUB 5.78
CNY 54.89

Danııar Eleýsinovtiń kelesi qarsylasy - 14 jeńisi bar meksıkalyq boksshy

2019 jyldyń 18 aqpan 2019 10:12 1192

ASTANA. QazAqparat - Jartylaı orta salmaqta óner kórsetetin qazaqstandyq boksshy Danııar Eleýsinovtiń (5-0, 3 KO) kelesi jekpe-jektegi qarsylasy anyqtaldy, dep habarlaıdy QazAqparat Sports.kz-ke silteme jasap.

BoxRec.com taratqan aqparatqa súıensek, Danııar 29 jastaǵy meksıkalyq Karlos Hımenespen (14-9-1, 8 KO) judyryq túıistiredi. Kezdesý segiz raýndqa josparlanǵan.

Eske sala keteıik, Olımpıada chempıony kásibı rıngtegi altynshy aıqasyn 15 naýryzda Fıladelfııanyń (AQSh, Pensılvanııa shtaty) Liacouras Center arenasynda ótkizetinin habarlaǵan edik.

Osy ýaqytta boks keshiniń hedlaınerleri retinde IBF tujyrymy boıynsha ekinshi jartylaı orta salmaqtaǵy álem chempıony Tevın Farmer (28-4-1, 6 KO) men Djono Kerroll (16-0-1, 3 KO) tirkelgen.  Sondaı-aq áıelder arasynda jeńil salmaqtaǵy qos álem chempıony - WBA jáne IBF beldikteriniń ıesi Ketı Teılor (12-0, 5 KO) men WBO chempıony Roýz Volante (14-0, 8 KO) jekpe-jegi josparlanǵan. 

 

 

Basty sózder: Sport, Boks,
Joǵary qaraı