Aýa raıy
Astana 25 °S
Almaty 28 °S
valıýta baǵamy
USD 386.80
EUR 429.27
RUB 5.78
CNY 54.89

Danııa Espaevanyń saılaýaldy shtabynda ashyq esik kúni ótti

2019 jyldyń 6 maýsym 2019 12:00 759

NUR-SULTAN. QazAqparat - QR Prezıdenttigine úmitker Danııa Espaevanyń shtaby ashyq esik kúnin ótkizdi. Bul jóninde «Aq jol» partııasynyń baspasóz qyzmeti málim etti.

Shtab ofısinde úmitker Danııa Espaeva, partııa tóraǵasy Azat Perýashev jáne parlamenttik fraktsııanyń depýtattary reseılik jýrnalıster delegatsııasyna suhbat berdi. Sonymen qatar, azamattardy jeke suraqtarymen qabyldady.

Tuńǵysh áıel úmitkermen kezdesýge Reseı jetekshi mass-medıasynan jıyrma shaqty jýrnalıst tilek bildirdi. Brıfıngte jýrnalıster túrli suraqtar qoıdy. Olardy saılaýaldy baǵdarlama, Danııa Espaevanyń aldaǵy saılaýdaǵy úmiti, jeńiske jetken jaǵdaıdaǵy saıasat jolyndaǵy josparlary qyzyqtyrdy.

Úmitker jýrnalısterge óziniń saılaýaldy baǵdarlamasyn tolyqqandy tanystyryp shyqty.

Osy kúni Danııa Espaeva azamattardyń jeke máselelerin tyńdady. Nur-Sultan qalasynyń turǵyndary bank nesıesi, baspanany jekeshelendirý, jer máseleleri boıynsha suraqtaryn joldady. Árbir ótinish úmitkerdiń jáne «Aq jol» partııasynyń depýttattarynyń baqylaýyna alyndy.

 

Joǵary qaraı