Aýa raıy
Astana 15 °S
Almaty 22 °S
valıýta baǵamy
USD 386.04
EUR 427.77
RUB 5.88
CNY 54.45

Tsıfrlyq Qazaqstan: Aqparattyq texnologııalar qaı salaǵa engizildi

2019 jyldyń 19 aqpan 2019 10:55 1496

ASTANA. QazAqparat - QR Aqparat jáne kommýnıkatsııalar mınıstri Dáýren Abaev «Tsıfrlyq Qazaqstan» baǵdarlamasyn iske asyrýdyń nátıjesi boıynsha esep berdi, dep xabarlaıdy QazAqparat tilshisi.

Mınıstrdiń aıtýynsha, ótken jyly baǵdarlama aıasynda aqparattyq texnologııalar birqatar salalarǵa engizildi. Sonyń nátıjesinde eńbek ónimdiligi artyp, biraz qarajat únemdeldi.

«Máselen, otyn-energetıka jáne taý-metallýrgııa salarynda 4.0 Indýstrııasynyń elementterin engizýdiń nátıjesinde eńbek ónimdiligi ortasha eseppen 10 protsentke artty. Al elektr qýaty 33 protsentke deıin únemdeldi. Mysaly, «Embimunaıgaz» AQ-sy munaı óndirýdi 773 tonnaǵa arttyrdy. Bıyl osyndaı júıe boıynsha jumys isteıtin nysandardyń sany 12 deıin kóbeıedi. Taý-ken salasynda 102 kásiporynnyń derekterin tsıfrlandyrýǵa jáne aqparattyq aǵyndy basqarýǵa múmkindik týdy. Taǵy bir mysal, qorlardy josparlaýǵa aqparattyq júıesin engizý arqyly ERG birtutas massıv boıynsha jumys isteıdi. Bıznes protsester ashyq júrgiziledi. Qyzmetkerler qosymsha bilim aldy. 250 jańa jumys orny ashyldy», - dedi D.Abaev Úkimettiń búgingi otyrysynda.

Onyń sózine qaraǵanda, kóliktik-logıstıka salasyn tsıfrlandyrý aıasynda «zııatkerlik kólik júıesi» iske asyrylyp jatyr. Búginde 46 arnaıy ólsheý quralynyń 12 ornatyldy.

«Sondaı-aq, jol aktıvterin basqarý júıesi iske qosyldy. Onyń aıasynda 16 jyljymaly jol zertxanasy óz jumysyn bastady. Bul jol ınfraqurylymynyń sapasyn arttyrady dep senemiz. Atalǵan júıe jolǵa jumsalatyn shyǵyndardy josparlaýǵa jáne jóndeý jumystary kezinde sapany baqylaýǵa múmkindik beredi. 2019 jyly respýblıkalyq deńgeıdegi  24 myń shaqyrymdy quraıtyn avtojoldardy zertteý maqsatynda 31 arnaıy avtomattandyrylǵan ólsheý quralyn engizý josparlanyp otyr. Intellektýaldy kólik júıesin engizýdiń nátıjesinde ótken jyly 279 jumys orny ashyldy. 2025 jylǵa qosymsha 1,5 myńnan astam jumys ornyn ashý kózdelgen», - dep atap kórsetti D.Abaev. 

Al aýyl sharýashylyǵy salasyna da aqparattyq texnologııalar engizildi. Ótken jyly 14 sharýashylyqta pılottyq rejımde naqty eginshilik jobalary qolǵa alyndy. Osylaısha, fermerlerdiń shyǵyndary ortasha eseppen 15-20 protsentke azaıdy. Al astyqtyń kólemi 2,5 esege artty. Sýbsıdııanyń bes túri elektrondy formatqa aýystyryldy. Fermerlerden túsken 23 myń ótinish elektrondy júıe boıynsha qaraldy. Sondaı-aq, elektrondy qolxat júıesi engizildi. Sonyń arqasynda qolxattardy berý ýaqyty 10 kúnnen 10 mınýtqa deıin azaıdy.

Aıta keteıik, 2018 jyly «Tsıfrlyq Qazaqstan» baǵdarlamasy aıasynda 20 sharany iske asyrý jospary bolǵan. Atalǵan sharalar tolyǵymen oryndaldy.

 

 

Joǵary qaraı