Aýa raıy
Astana 6 °S
Almaty 8 °S
valıýta baǵamy
USD 389.94
EUR 433.50
RUB 6.10
CNY 55.13

Chempıondar lıgasy: «Astananyń» alǵashqy qarsylasy anyqtaldy

2019 jyldyń 18 maýsym 2019 19:10

NUR-SULTAN. QazAqparat - Dál qazir ÝEFA chempıondar lıgasy birinshi irikteý keezńderiniń jerebesi tartyldy, dep habarlaıdy QazAqparat tilshisi.

Atalmysh dúbirli dodada bizdiń elimizdiń atynan qatysatyn Nur-Sultan qalasynyń «Astana» komandasy birinshi irikteý kezeńindegi qarsylasyn anyqtady. Olarǵa Rýmynııanyń Klýj-Napoka qalasynyń ChFR Klýj komandasy qarsylas atandy. Birinshi irikteý kezeńiniń alǵashqy oıyndary 9, 10 shilde kúnderi bolsa, qarymta kezdesý 16, 17 shildede ótkiziledi. Bul juptaǵy alǵashqy oıyn Nur-Sultanda ótkizilse, bir aptadan keıin ol Rýmynııada bolady.

1907 jyly qurylǵan atalmysh komanda búgingi kúnge deıin úsh márte Chempıondar lıgasy toptyq kezeńinde baq synady. Eki márte óz tobynda tórtinshi oryn aldy. Al 2012/2013 jylǵy kezeńde úshinshi oryn alyp, Eýropa lıgasynyń 1/16 fınalynda synǵa túsýge múmkindik aldy. Ol joly Italııanyń «Inter» komandasyna jol berip qoıdy. Atalmysh komanda Rýmynııa birinshiliginde bes márte chempıondyq ataqqa qol jetkizdi.

«Astana» bizdiń elimizdiń atynan besinshi jyl qatarynan Chempıondar lıgasynyń irikteý kezeńinde synǵa túsip keledi. Máselen, 2015/2016 jylǵy kezeńde atalmysh týrnırdiń toptyq kezeńine deıin jetti. Odan keıingi úsh jylda eki márte úshinshi irikteý kezeńinen asa almasa, bir márte pleı-off kezeńine deıin bardy. Nátıjesinde olarǵa sońǵy úsh jylda Eýropa lıgasynyń irikteý kezeńine qatysýǵa múmkindik berildi. Odan súrinbeı etken elordalyqtar toptyq kezeńinde el namysyn qorǵady. Al 2016/2017 jylǵy kezeńde jarystyń 1/16 fınalyna deıin jetti.

Budan buryn búgin Búgin fýtboldan eýrokýbok oıyndarynyń jerebesi tartylatynyn habarlaǵan edik.

Al Eýropa lıgasy alǵashqy kezeńiniń jerebesi Nur-Sultan ýaqytymen 19.30-da ótedi.

Avtor Ádiljan Úmbet
Basty sózder: Sport,
Joǵary qaraı