Aýa raıy
Astana 7 °S
Almaty 6 °S
valıýta baǵamy
USD 389.59
EUR 429.06
RUB 6.05
CNY 55.07

Bıýdjette bekitilgen munaı baǵasy ózgermeıdi - UEM

2019 jyldyń 26 naýryz 2019 14:50

NUR-SULTAN. QazAqparat - Bıýdjette bekitilgen munaı baǵasy ózgermeıdi. Bul týraly búgin Úkimet úıindegi baspasóz máslıhatynda QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Munaı baǵasyn ózgertpeımiz. Sebebi bıýdjette baǵanyń konservatıvti nusqasy bekitilgen bolatyn», - dedi mınıstr BAQ ókilderiniń saýalyna oraı.

Sonymen qatar ol qazirgi ýaqytta munaı barreline 67 dollardan sál joǵary baǵamen saýdalanyp jatqanyn aıtty.

«Ol ózgerip otyrady jáne onyń birneshe sebebi de bar. Solardyń biri, qazirgi ýaqytta AQSh-tyń qazynashylyq qaǵazdarynda «aýytqymaly kiristilik ınverııasy» baıqalyp otyr. Bul óte sırek kezdesetin jaıt. Úshaılyq qazynashylyq qaǵazdarynyń kiristiligi onjyldyq qaǵazdar kirisinen asyp ketti. Mundaı jaıt 2007 jyly, 2000 jyly, 1989 jyly bolǵan edi. Ádette kiristiń mundaı aýytqýy Qurama Shtattar ekonomıkasyndaǵy retsessııa aldynda bolatyn. 1957 jyldan beri AQSh-ta jalpy 9 retsessııa baıqaldy. Ádette ınvestorlar munan arǵy ekonomıkalyq ósimge senbeı uzaqmerzimdi qaǵazdardy ózderiniń kiristerin bekitý úshin satyp alady. Qortyndysynda qaǵazdyń óziniń quny ósip, al onyń kirisi tómendeıdi», - dep túsindiredi R.Dálenov.

Al mundaı jaǵdaı álemdik naryqqa áserin tıgizip, qubylmalyqqa alyp keledi.

«Qazaqstanǵa qatysty aıtar bolsam, menińshe, mundaı qubylmalyq táýekeli tómen. Óıtkeni, bıýdjet pessımıstik jáne orta parametrler negizde qalytasqan. Saýda balansy oń, altyn-valıýta qory jetkilikti», - dedi mınıstr.

Joǵary qaraı