Aýa raıy
Astana 25 °S
Almaty 28 °S
valıýta baǵamy
USD 386.80
EUR 429.27
RUB 5.78
CNY 54.89

Býrabaıda jarysqa kelgen 17 jasar bozbala kóz jumdy

2019 jyldyń 21 shilde 2019 13:03 1597

KÓKShETAÝ. QazAqparat – Aqmola oblysynda «Jas qutqarýshy» halyqaralyq jarysyna qatysýǵa kelgen jas jigit sýǵa batyp ketti, dep habarlaıdy QazAqparat.

Oblystyq tótenshe jaǵdaılar departamentiniń habarlaýynsha, 19 shilde kúni 16:20-de Býrabaı aýdanyndaǵy Úlken Shabaqty kólinde jasóspirimniń sýǵa ketkeni jóninde habar kelip túsken. Marqumnyń aty-jóni - Muhamed Kolıgov.

«Máıit birden Kókshetaý qalasyna sot-medıtsınalyq saraptamaǵa jiberildi. 20 shildede saraptama jasatyp, qujattardy rásimdegennen keıin Nur-Sultan qalasyna jetkizildi. Sol jerden «Eır Astananyń» KS 341 ushaǵymen Shymkent qalasyna jóneltýge tıis bolatyn. Alaıda, reıs belgisiz sebeppen eki ret keıinge qaldyryldy. Búgin tańerteń marqumnyń denesin Shymkentke jetkizip, týystarynyń qolyna berý úshin ári qaraı Tarazǵa alyp ketti», - dep málim etti oblystyq TJD.

Vedomstvoda atap ótkendeı, qaıǵyly oqıǵa «Jas qutqarýshy» halyqaralyq jarysy aıaqtalǵannan keıin bolǵan.

«Tarazdyq komanda 19 shilde keshki 22:30-da poıyzǵa minip, jolǵa attanýǵa tıis bolatyn. Sondyqtan sapar aldynda qatysýshylar Býrabaı kýrortyn aralaýǵa shyqqan. Balalardyń janynda jattyqtyrýshy men komanda ókili bolǵan», - dep qosyp ótti vedomstvodan.

Avtor Janat Qapalbaeva
Basty sózder: Oqıǵa, Aqmola oblysy,
Joǵary qaraı