Aýa raıy
Astana -9 °S
Almaty 0 °S
valıýta baǵamy
USD 388.70
EUR 428.70
RUB 6.08
CNY 55.46

Býrabaıda et ónerkásibi klasterin damytý máselesi talqylandy

2019 jyldyń 18 qazan 2019 19:28

KÓKShETAÝ. QazAqparat – Aqmola oblysynyń ákimi Ermek Marjyqpaev Býrabaıda iri kompanııa basshylarynyń qatysýymen et ónerkásibi klasterin damytý týraly «Makınsk. Damýdyń jańa aýmaǵy» atty bınes-forým ótkizdi, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.

Kezdesýde aımaq basshysy E.Marjyqpaev pen «Aitas KZ» AQ bas dırektory Serik Tolyqpaev Makınsk qus fabrıkasyn qosýdyń ekinshi kezeńin júzege asyrý máselesin talqylady. Ony iske qosý úshin óndiristik ınjenerlik ınfraqurylymnyń qurylysyn júrgizý qajet. Taraptar osy máseleni sheshý joldaryn jan-jaqty qarastyrdy.

Jyldyq qýaty 50 myń tonna broıler etin óndiretin Ortalyq Azııadaǵy eń iri qus fabrıkasyn iske qosý óńirge 46 mıllıard teńge ınvestıtsııa tartýǵa múmkindik berdi. Sondaı-aq, 900-dan astam jańa jumys ornyn ashýǵa, Bulandy aýdany boıynsha ortasha eńbekaqy kórsetkishin 30 paıyzǵa arttyrýǵa yqpal etti.

Budan bólek, aımaq basshysy Túrkııanyń «Sukurova» kompanııasy tobynyń bas dırektory Isa Doganlımen kezdesti. Kezdesýde Bulandy aýdany aýmaǵynda jańa qaǵaz-qorap fabrıkasyn salý máselesi talqylandy. Karton ónimderin shyǵaratyn bul kompanııa Makınsk qus fabrıkasynyń qaǵaz qoraptarǵa degen suranysyn qanaǵattandyrar edi.

Búgingi kúni Makınsk qalasy qarqyndy damyp keledi. Aqmola oblysynyń dál ortasynda, toǵyz joldyń torabynda ornalasqan tabıǵaty ásem qalanyń ınvestorlar úshin múmkindigi zor.

«Makınsk qus fabrıkasy oblys ekonomıkasyn odan ári damytýdyń lokomotıvine aınalady. Qazirdiń ózinde fabrıkanyń óndiris qýaty óńirde shaǵyn jáne orta bıznestiń damýyna serpin berdi. Bizge osy sııaqty jobalardyń barlyǵy qymbat, biz olarǵa jan-jaqty qoldaý kórsetetin bolamyz», dedi aımaq basshysy Ermek Marjyqpaev bıznes-forýmda sóılegen sózinde

Sharaǵa QR Syrtqy ister mınıstriniń orynbasary Ermek Kósherbaev, «Aitas KZ» AQ dırektorlary keńesiniń táýelsiz múshesi Bolat Jámishev, Aitas KZ, KUSTO GROUP, Evrazııa Agro Holdıng kompanııalarynyń basshylary, memlekettik sektor jáne bıznes ókilderi qatysyp, aýyl sharýashylyǵyn damytý, onyń ishinde Soltústik Qazaqstan aýmaǵynda etti ónerkásip klasterin qurý máselelerin talqylady.

Bıznes-forým qorytyndysy boıynsha Aqmola oblysy ákimdigi men «Aitas KZ» AQ arasynda áriptestik týraly memorandýmǵa qol qoıyldy.
















Joǵary qaraı