Aýa raıy
Astana 31 °S
Almaty 32 °S
valıýta baǵamy
USD 383.43
EUR 432.47
RUB 6.12
CNY 55.78

Brıýssel mýzeıine «Qazaqtyń dástúrli 1000 kúıi» antologııasy tapsyryldy

2019 jyldyń 17 maýsym 2019 22:11 712

NUR-SULTAN. QazAqparat - Brıýsseldegi Mýzykalyq aspaptar mýzeıine «Qazaqtyń dástúrli 1000 kúıi» antologııasyn syıǵa berildi, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

SІM aqparatyna sáıkes, Qazaqstannyń Belgııadaǵy Elshisi Aıgúl Quspan «Rýhanı jańǵyrý» memlekettik baǵdarlamasyn iske asyrý sheńberinde Brıýsseldegi Mýzykalyq aspaptar murajaıynyń bas dırektory Aleksandra de Portermen jáne Toptamalar basqarmasynyń bastyǵy Saskııa Ýıllartpen kezdesti. 

A.Quspan qazaqtyń mýzykalyq qazynasy - kúı týraly keńinen áńgimeledi. Dombyra, qobyz, syldyrmaq jáne basqa da qazaq aspaptary júzdesýdiń jeke taqyryby boldy. Elshi Abaı, Birjan, Jambyl, Yqylas, Dına jáne taǵy basqa aqyndar men kompozıtorlar oınaǵan qazaq aspaptarynyń úzdik úlgileri Almatydaǵy Yqylas atyndaǵy Halyq mýzykalyq aspaptar murajaıynda jınalǵanyn aıtty.

Dıplomat Brıýssel murajaıynyń basshylyǵyna 2011 jyly «Mádenı mura» ulttyq jobasynyń aıasynda shyqqan «Qazaqtyń dástúrli 1000 kúıi» antologııasyn syıǵa tartty.

Belgııalyq murajaıshylar qazaq mýzykalyq mádenıetine úlken qyzyǵýshylyq tanytty jáne Yqylas atyndaǵy Halyq mýzykalyq aspaptar murajaıymen yntymaqtasýǵa ázirligin bildirdi. Arnaıy uıymdastyrylǵan ekskýrsııa barysynda Elshige qazaq ulttyq aspaptaryn Brıýssel murajaıyna qoıý usynysy aıtyldy.

«Belgııalyq tarap tsıfrlandyrý salasyndaǵy tájirıbemen bólisýge daıyn. Murajaıdyń jalpyǵa qol jetimdi Carmentis derekqorynda mýzykalyq aspaptar týraly barlyq málimetter bar. Sonymen qatar, álemniń kóptegen murajaılarynyń kollektsııalaryn usynatyn mýzykalyq aspaptardyń «MIMO» halyqaralyq derekqory qyzmet etýde», - delingen SІM málimetinde.

Brıýsseldiń Mýzykalyq aspaptar murajaıy 1876 jyly qurylǵan jáne Belgııa koroldiginiń tarıhı jáne óner murajaılarynyń quramyna kiredi. Murajaı qorynda Belgııanyń jáne álemniń basqa da elderiniń 1100 mýzykalyq aspaby bar. Bul álemdegi eń iri jáne baı kollektsııalardyń biri bolyp tabylady.

 

 

 

 

Joǵary qaraı