Awa rayı
Astana -1 °S
Almatı 2 °S
valyuta bağamı
USD 332.21
EUR 391.74
RUB 5.57
CNY 50.08

Brazïlïyada esіrtkіmen ustalğan qazaqstandıq aqtalıp şıqtı - SІM

2017 jıldıñ 23 tamız 2017 12:32 941

ASTANA. QazAqparat - Qazaqstannıñ Brazïlïyadağı Elşіlіgі San-Pawlw qalasında esіrtkі tasımaldadı degen küdіkke іlіngen 21 jastağı qarağandılıq Slavyana Mïnevskayanıñ aqtalıp şığwına murındıq boldı, dep xabarlaydı «QazAqparat» XAA tіlşіsі QR SІM baspasöz qızmetіnіñ basşısı Änwar Jaynaqovqa sіlteme jasap.

«2017 jıldıñ 6 aqpanında San-Pawlw qalasınıñ polïcïya qızmetkerlerі  Qazaqstan Elşіlіgіne 21 jastağı qazaqstandıq boyjetkennіñ ustalğanı twralı xabar bergen. Slavyana Mïnevskaya qalanıñ äwejayında Armenïyağa uşıp bara jatqan jerіnen ustalğan. Qarağandı qalasınıñ turğını Slavyana Mïnevskayanı brazïlïyalıq tärtіp saqşıları tіntіp, çemodanınan 2 kelі kokaïn tawıp alğan. 8 aqpanda Qazaqstan Elşіlіgі konswl men ustalğan boyjetkennіñ kezdesw mümkіndіgіne qol jetkіzdі. Jüzdeswde boyjetken twğan-twıstarınıñ telefon nömіrіn berіp, qalayşa osı jağdayğa tap bolıp qalğanın tüsіndіrіp bergen»,- dedі Änwar Jaynaqov.

Eñ bіrіnşі kezekte qazaqstandıq dïplomattar Slavyananıñ twğandarına bolğan oqïğanı bayan etіp, otandasımızğa quqıqtıq kömek körsetw joldarın qarastırğan. Qalalıq sot qazaqstandıqtı sot bastalğanğa deyіn San-Pawlwdağı tüzetw mekemesіnde ustaw twralı şeşіm şığarğan.

«Dïplomattar anıqtağanday, Qarağandı qalasınıñ turğını Slavyananıñ senіmіne kіrіp, 4 mıñ AQŞ dollarğa Brazïlïyağa gawhar buyımdardı jetkіzіp berwdі surağan. Buğan kelіsken boyjetken San-Pawlwğa uşıp keledі. Boyjetkendі belgіsіz üyge qamap ustap, erkіn jürіp-turwın şektegen. Arada ekі apta ötkennen keyіn bіr sağat burın ğana oğan çemodan ustatıp, Erevanğa uşw kerektіgіn buyırğan. Äwejayğa kіre berіste onı polïcïya qızmetkerlerі ustap, çemodannıñ іşіndegі jasırılğan esіrtkі zatın anıqtadı», - dep jazadı Änwar Jaynaqov.

Jas boyjetken qılmıstıq jospardıñ qurbanı bolğanın boljağan QR SІM Qazaqstanğa suraw joldap, «tapsırıs berwşіnі» tekserwdі ötіngen. Quqıq qorğawşılar jedel äreket jasap, qarağandılıqtıñ іzіne tüsken. Söytse, bіrneşe kün burın ğana tapsırıs bergen 25 jastağı boyjetken osı qılmısqa uqsas bappen 6 jıl 8 ayğa sottalıp ketіptі.

Qazaqstandıq dïplomattar qılmıstıq іstіñ materïaldarın portwgal tіlіne awdarıp, Brazïlïyadağı tergew organdarına tapsırğan. 7 tamızda Slavyananıñ sotı bolıp, onıñ 15 jılğa deyіn sottalıp ketw qawіp twındağan edі.

Qazaqstandıq taraptan kelgen qılmıstıq іs materïaldarın zerttey kele, brazïlïyalıq sot qazaqstandıq boyjetkendі bosatw twralı şeşіm şığardı.

«Ustalğan kezіnen bastap qazaqstandıq konswl Slavyanağa bіrneşe ret barıp, jalpı jağdayın baqılawda ustadı. Qazіr ol San-Pawlwda. Jwıq arada Qazaqstanğa qaytıp keledі», - deydі Elşіlіkten.

Ökіnіşke oray, Slavyana Brazïlïyada ustalğan jalğız qazaqstandıq emes. Buğan deyіn däl osığan uqsas qılmıspen San-Pawlw äwejayında 20 jastağı Qarağandı qalasınıñ turğını ustalıp, 30 mamırdağı Brazïlïya sotınıñ ükіmіmen 7 jılğa sottalıp ketken. Qazіrgі tañda QR SІM bul іstі qayta qaratwğa küş salıp jatır.  

 

Pіkіr qaldırw

Joğarı qaray