Aýa raıy
Astana 5 °S
Almaty 1 °S
valıýta baǵamy
USD 388.96
EUR 432.21
RUB 6.09
CNY 54.99

Bokstan Qazaqstannyń jańa chempıondary belgili boldy

2018 jyldyń 18 qarasha 2018 20:01

AQTAÝ. QazAqparat - Aqtaýda erler arasyndaǵy elimizdiń boks chempıonaty óz máresine jetti, dep habarlaıdy QazAqparat tilshisi.

Bıylǵy boks básekesiniń júlde sany jaǵynan jalpy komandalyq esepte kóshti Túrkistan oblysy bastady, olardyń qorjynynda 2 altyn, 3 kúmis jáne 2 qola medal bar. ІІ orynǵa 1 altyn, 3 kúmis jáne 4 qola júldemen Mańǵystaý oblysy turaqtady. ІІІ oryn jambyldyqtarǵa buıyrdy, olardyń qanjyǵasynda 1 altyn, 2 kúmis, tıisinshe 3 qola júlde bar.

Bul básekede negizinen tanymal jáne tájirıbeli boksshylar kósh bastady, degenmen atalǵan sport túri jańa esimdermen de tolyqty. Atap aıtqanda, Aqmola oblysynyń 20 jastaǵy boksshysy Orazbek Asylqulov pen túrkistandyq 21 jasar boksshy Sáken Bıbosynov.

O.Asylqulov alǵash ret fınalǵa deıin jetti, aqtyq jekpe-jekte Erálıevke kúsh basymdyǵyn kórsete almaı, kúmisti qanaǵat tutty. Ol ulttyq qurama komandasyna qabyldandy. Al Qaırat Erálıev óz kezeginde osymen 3-shi ret bokstan Qazaqstan chempıony atandy.

Ekinshi jańa esim Sáken Baıbosynov 52 kelige deıingi salmaqta almatylyq Ánýar Muzaparovqa qarymdy qarsylyq kórsete bildi, degenmen jekpe-jek nátıjesinde altyn almatylyq boksshyǵa buıyrdy. Baıbosynov ta kúmispen qosa ulttyq qurama qataryna qosyldy.

Sonymen qatar 49 kelige deıingi salmaqta 30 jasar Temirtas Júsipov osymen qatarynan 5-inshii ret el chempıony ataǵyna ıe boldy. Ol Jambyl oblysynyń sportshysy Ermek Mádıevti 5:0 esebimen jeńdi. Sondaı-aq, 31 jasar Zakır Safıýllın 60 kelige deıingi salmaq dárejesinde Samatáli Toltaevtan 5:0 esebimen basym tústi.

64 kelige deıingi salmaqta Azııa chempıonatynyń jeńimpazy 23 jasar Bekdáýlet Ibragımovtiń básekelesi 19 jasar Sanatáli Toltaev ekeýiniń jekpe-jegi kútpegen nátıjemen aıaqtaldy. Judyryqtasý barysynda Ibragımov aýyr jaraqat alyp, boksty jalǵastyra almady. Tóreshi eki raýndtan soń jekpe-jekti toqtatyp, jeńis mańǵystaýlyq sportshyǵa buıyrdy. «Men óz qýanyshymdy sózben jetkize almaımyn. Bekdáýlet Ibragımov óte myqty qarsylas, degenmen men jaqsy daıyndaldym jáne jeńgenime qýanyshtymyn», - dedi ol.

El chempıonatyndaǵy erekshe atap óterlik aıqastyń biri 69 kelige deıingi salmaq dárejesindegi Aslanbek Shymbergenov pen Abylaıhan Júsipovtiń judyryqtasýy boldy. Birinshi raýndta Abylaıhannyń qatty soqqysynan Aslanbek nokdaýn aldy. Tóreshiler 5:0 esebimen júldeni qaraǵandylyq A. Júsipovke berdi.

Odan bólek, 21 jasar bokstan álem, Azııa chempıonaty jáne Azııa oıyndarynyń chempıony jambyldyq Ábilhan Amanqul 27 jastaǵy Erik Áljanovty súrindirip, júldeni qanjyǵasyna baılady. Ad rýdnyılyq Mıhaıl Kohanchık alǵan jaraqatynyń saldarynan fınaldan bas tartyp, onyń qarsylasy túrkistandyq Bek Nurmaǵanbet jekpe-jeksiz chempıon atandy.

Jáne de 91 kelige deıin salmaq dárejesi boıynsha elordalyq Vasılıı Levıt jalǵyz ózi fınalǵa shyqty. «Meniń Qazaqstannyń boks chempıonatynan qol úzgenime biraz ýaqyt boldy, sońǵy ret 2012 jyly qatystym. Aıtpaǵym, osy ýaqyt ishinde barlyq qarsylastar óte qarymdy bolǵandyǵyn baıqadym, degenmen basty maqsatty oryndadym, alda jibergen qatemmen jumys jasaımyn jáne odan ári damı túsý kerek», - dedi ol.

Taǵy bir chempıondyq ataq qyzylordalyq Qamshybek Qońqabaevqa buıyrdy, ol óziniń qarsylasy túrkistandyq Nurlan Saparbaıdan 5:0 esebimen basym tústi.

Qazaqstan boks chempıonaty - 2018 sporttyq básekesiniń fınaldyq jekpe-jeginiń qorytyndylary:

49 keli

Temirtas Júsipov (Aqmola oblysy) - Ermek Mádıev (Jambyl oblysy) 5:0

52 keli

Ánýar Muzaparov (Almaty oblysy) - Sáken Bıbosynov (Túrkistan oblysy) 5:0

56 keli

Qaırat Erálıev (Túrkistan oblysy) - Orazbek Asylqulov (Aqmola oblysy) 5:0

60 keli

Zakır Safıýllın (Shymkent) - Samatáli Toltaev (Mańǵystaý oblysy) 5:0

64 keli

Bekdáýlet Ibragımov (Túrkistan oblysy) - RSC R2 Sanatáli Toltaev (Mańǵystaý oblysy)

69 keli

Aslanbek Shymbergenov (Jambyl oblysy) - Abylaıhan Júsipov (Qaraǵandy oblysy) 0:5

75 keli

Ábilhan Amanqul (Jambyl oblysy) - Erik Áljanov (Mańǵystaý oblysy) 5:0

81 keli

Bek Nurmaganbet (Túrkistan oblysy) WO - Mıhaıl Kohanchık (Qostanaı oblysy)

91 keli

Vasılıı Levıt (Astana) - Bekzad Nurdáýletov (Mańǵystaý oblysy) 5:0

+91 keli

Qamshybek Qońqabaev (Qyzylorda oblysy) - Nurlan Saparbaı (Túrkistan oblysy) 5:0

Qazaqstan boks chempıonatynyń jeńimpazdary:

49 keli

I Temirtas Júsipov (Aqmola oblysy)

II Ermek Mádıev (Jambyl oblysy)

III Jomart Erjan (Túrkistan oblysy, Jandos Nesipjan (Almaty oblysy)

52 keli

I Ánýar Muzaparov (Almaty oblysy)

II Sáken Bıbosynov (Túrkistan oblysy)

III Azat Mahmetov (Astana), Abaı Qýandyqov (Aqtóbe oblysy)

56 keli

I Qaırat Erálıev (Túrkistan oblysy)

II Orazbek Asylqulov (Aqmola oblysy)

III Janbolat Qydyrbaev (Jambyl oblysy), Nurbol Qaljanov (Mańǵystaý oblysy)

60 keli

I Zakır Safıýllın (Shymkent)

II Samatáli Toltaev (Mańǵystaý oblysy)

III Serik Temirjanov (Pavlodar oblysy), Baǵdat Ýaıdaev (Qyzylorda oblysy)

64 keli

I Sanatáli Toltaev (Mańǵystaý oblysy)

II Bekdáýlet Ibragımov (Túrkistan oblysy)

III Sabyrjan Bekbergenov (Aqmola oblysy), Mırasáli Sársenov (Jambyl oblysy)

69 keli

I Abylaıhan Júsipov (Qaraǵandy oblysy)

II Aslanbek Shymbergenov (Jambyl oblysy)

III Máýlen Óskenbek (Mańǵystaý oblysy), Qanaǵat Maralov (Astana)

75 keli

I Ábilhan Amanqul (Jambyl oblysy)

II Erik Áljanov (Mańǵystaý oblysy)

III Tursynbaı Qulahmet (Qyzylorda oblysy), Aman Qazanǵapov (Jambyl oblysy)

81 keli

I Bek Nurmaǵanbet (Túrkistan oblysy)

II Mıhaıl Kohanchık (Qostanaı oblysy)

III Tımýr Erjanov (ShQO), Nurlan Sabyrov (Mańǵystaý oblysy)

91 keli

I Vasılıı Levıt (Astana)

II Bekzat Nurdáýletov (Mańǵystaý oblysy)

III Alekseı Sevostıanov (Qaraǵandy oblysy), Abzal Quttybekov (Túrkistan oblysy)

+91

I Qamshybek Qońqabaev (Qyzylorda oblysy)

II Nurlan Saparbaı (Túrkistan oblysy)

III Erjan Seıtimbetov (Aqtóbe oblysy), Aıboldy Dáýrenuly (Mańǵystaý oblysy).

Avtor Álı Ibraev
Basty sózder: Boks, Mańǵystaý oblysy,
Joǵary qaraı