Aýa raıy
Astana 21 °S
Almaty 17 °S
valıýta baǵamy
USD 386.82
EUR 428.67
RUB 5.86
CNY 54.95

BQO quramasy robot tehnıkasynan ulttyq chempıonatta jeńimpaz atandy

2019 jyldyń 29 maýsym 2019 00:25 1917

ORAL. QazAqparat  - BQO quramasy Pavlodarda robot tehnıkasynan ótken WRO - 2019 olımpıadasy ulttyq kezeńinde jeńimpaz atandy, dep habarlaıdy QazAqparat tilshisi. 

Atalmysh saıysqa elimizdiń túkpir-túkpirinen 240 oqýshy qatysyp, baq synady. Olar «Negizgi», «Shyǵarmashylyq», «Robottar fýtboly» jáne «Jasampaz» (aqyldy qalalar týraly jobalar) atty tórt sanat boıynsha synǵa tústi.

BQO quramasynyń negizin Oraldaǵy Nazarbaev zııatkerlik mektebiniń shákirtteri qurady. Batys Qazaqstannan 18 oqýshy barsa, sonyń 10-y júldege ilikti. Sondyqtan jalpykomandalyq esepte júldeni eń kóp alǵan komanda retinde BQO quramasy WRO aýyspaly kýbogyn jeńip aldy.

Ulttyq chempıonat jeńimpazdary WRO - 2019 olımpıadasynyń álemdik kezeńine irikteýge qatysady.

Oraldaǵy zııatkerlik mekteptegi robot tehnıkasy úıirmesiniń shákirtteri ulttyq quramamen birge halyqaralyq dodalarda el namysyn qorǵap júr. Oǵan qosa mektep - robot tehnıkasy kýrsy engizilgen Nazarbaev zııatkerlik mektebi júıesindegi alǵashqy bilim ordasy.



null

- Bizdiń komandany robot tehnıkasynyń naǵyz fanaty deı alamyn. Endigi maqsatymyz - kúzde Býdapesht qalasynda robot tehnıkasynan ótetin búkilálemdik olımpıadanyń qorytyndy kezeńine joldama alyp, úzdik úshtikke iligý, - dedi jarystyń negizgi joǵary sanatynda úshinshi orynǵa ıe bolǵan Arnur Orazǵul.

Robot tehnıkasy úıirmesiniń jetekshisi Nurbolat Sársenǵalıulynyń aıtýynsha, balalardyń tabys-jetistikteri barshylyq. Alaıda básekelestik te artyp keledi. Bıyldyń ózinde alpys shaqty bala úıirmege jazyldy. Degenmen ýaqyt óte kele olardyń qatary sırep, shynaıy qyzyǵatyndary qalady. Shamamen 25 oqýshy túrli jarystarǵa qatysyp júr. Al mekteptiń eki túlegi ózge mamandyqta oqyp jatsa da, Nur-Sultan men Almaty qalasyndaǵy mektepterde robot tehnıkasy úıirmelerin júrgizýde.



null

Jetkinshekter úıirmede robot qurastyryp qana qoımaı, qultemirge júkteletin mindettiń oryndalýyna arnalǵan baǵdarlamalar da jazyp úırenedi. Sonymen qatar olar matematıka, ınformatıka, ınjenerlik negizderi jáne basqa sala ǵylymdarynyń zańdaryn ózara úılestirip, oılaý qabiletin damytady.



null

Aıta keteıik, 2020 jylǵy ulttyq chempıonat jeńimpazdar qalasy - Oralda ótedi. 



null

 

Joǵary qaraı